Eyjapeyinn Stefán Haukur Jóhannesson,. verður aðalsamningamaður Íslands í fyrirhuguðum aðildarviðræðum Íslands og Evrópusambandsins. Stefán er sonur Jóhannesar Tómassonar frá húsinu Höfn sem stóð við Bakkastíg og Guðfinnu Stefánsdóttur frá húsinu Skuld sem stóð við Vestmannabraut. . – Stefán bjó í foreldrahúsum að Fífilgötu 8, allt þar til við tók framhaldsnám. Systkini hans eru Erna og Tómas og tvíburarnir Ingunn og Iðunn, öll búsett í Eyjum og Margrét Rósa sem býr í Lúxemborg.