Farþegafjöldinn meiri en í fyrra og bílaflutningar aldrei verið meiri
– segir Ólafur Jóhann Borgþórsson framkvæmdastjóri Herjólfs, eftir einn stærsta júlímánuð í sögu félagsins
Bidrod Bbilar Herj 2022
Herjólfur í Landeyjahöfn. Eyjafréttir/Eyjar.net: TMS

Það hefur verið nóg að gera hjá áhöfn og starfsfólki Herjólfs í júlímánuði og ferjan sigldi átta ferðir á dag milli lands og Eyja. Við hittum Ólaf Jóhann Borgþórsson, framkvæmdastjóra Herjólfs, sem segir síðasta mánuð hafa verið með þeim allra stærstu í sögu ferjunnar.

„Við fluttum tæplega 86 þúsund farþega í júlí, sem er næstmesti fjöldi sem við höfum flutt í þessum mánuði,“ segir Ólafur. „Þetta er 15 prósenta aukning frá júlí í fyrra, sem er frábært að sjá. Við finnum greinilega fyrir því að fólk vill heimsækja Eyjar – bæði heimamenn og gestir.“

Hann bætir við að júlí 2023 haldi enn metinu sem stærsti mánuðurinn í farþegafjölda, þegar tæplega 90 þúsund manns ferðuðust með Herjólfi. „En við erum mjög ánægð með þróunina núna. Það er bjart yfir þessu.“

Nýtt met í bílaflutningum

Það voru þó ekki aðeins farþegatölurnar sem vöktu athygli – því aldrei áður hafa fleiri bílar verið fluttir með Herjólfi í einum mánuði.

„Við fluttum yfir 20 þúsund bíla í júlí, og á stærsta deginum náðum við að flytja 888 bíla, sem er algjört met. Það var mikið álag en starfsfólkið okkar stóð sig frábærlega.“

Ólafur segir þó að álagið hafi að sjálfsögðu haft áhrif: „Við vorum með 95 ferðir þar sem bílar voru á biðlista, en það jákvæða er að í 69 af þeim ferðum náðum við að koma öllum bílum með. Þar skipti miklu að við bættum við áttundu daglegu ferðinni yfir háannatímann.“

Fara aftur í sjö ferðir – og bjartsýni fyrir ágúst

Nú stefnir Herjólfur að því að fara aftur í hefðbundna daglega áætlun. „Frá og með 11. ágúst förum við aftur í sjö ferðir á dag, líkt og hefð er fyrir eftir háannatímabilið,“ útskýrir Ólafur.

Aðspurður um framhaldið segir hann útlitið vera gott: „Bókunarstaðan fyrir ágúst lítur  vel út og það gefur okkur tilefni til að vera bjartsýn. Það er greinilegt að Vestmannaeyjar halda áfram að heilla – og við erum stolt af því að vera hluti af því ferðalagi.“ sagði Ólafur kankvís að lokum er hann hélt út í sumarblíðuna.

Nýjustu fréttir

Stjórnmál
Íris ætlar að ganga í Sjálfstæðisflokkinn
Íþróttir
Arnór með fimm mörk í jafntefli Karlskrona
Stjórnmál
Rannveig Ís­fjörð sækist eftir 4. sæti í prófkjöri Sjálfstæðisflokksins
Sjávarútvegur
Systurskipin landa fullfermi
Áhugavert
Golfvöllurinn í Eyjum tilnefndur til alþjóðlegra verðlauna
Stjórnmál
Aníta sækist eftir 2. sæti í prófkjöri Sjálfstæðisflokksins
Stjórnmál
Enginn úr núverandi meirihluta gefur kost á sér áfram
Fréttir
Síðasti séns! Taktu þátt í að móta menningarstefnu Vestmannaeyja
Mest lesið

Góð ráð fyrir siglingu

Sjóveiki

Hvað er sjóveiki?

Sjóveiki er misræmi milli skynfæra líkamans sem senda boð til heilans um hreyfingu – kyrrstöðu.

Þegar einstaklingur er úti á sjó þá nema skynjarar í vökvafylltum gangi í innra eyra hreyfingu og senda boð til heilans að einstaklingur sé á hreyfingu. Augun senda hins vegar boð til heilans um að viðkomandi sé kyrr. Heilinn á erfitt með að vinna úr þessum misvísandi og ósamræmdu upplýsingum og sendir skilaboð til magans um að tæma sig – þ.e. veldur uppköstum.

Einkenni sjóveiki eru þreyta, ógleði, svimi, svitakóf og uppköst.

Góð ráð til að hindra sjóveiki:

  • Góð hvíld daginn fyrir brottför. Að fara seint að sofa og snemma um borð í bát fer ekki vel saman ef fólk er hætt við sjóveiki.
  • Forðist áfenga drykki daginn fyrir brottför
  • Forðist djúpsteiktan, brasaðan eða saltan mat daginn fyrir siglingu.
  • Borðið góðan morgunverð. Borðið gjarnan hvítt brauð, hafragraut og ávexti þó ekki sítrus ávexti.
  • Forðist mikið koffein. Mikið kaffi er ekki það sem maganum líkar fyrir sjóferð.
  • Hafðu mat með þér á sjó. Gott er að hafa samlokur með kjúklingi eða kalkún. Kjötið er fitusnautt og brauðið er róandi í maga. Hafðu endilega eitthvað til að grípa í sem er létt í maga. Bananar eru mjög góðir til að narta í ef þú finnur fyrir ógleði en einnig er gott að hafa létt kex eða annað sem er ekki salt eða fitumikið.
  • Drekkið vel af vatni en einnig er gott er að drekka kóla drykki eða engiferöl í sjóferðinni

Lyf við sjóveiki þ.e. lyf sem slá á einkennin og fást án lyfseðils í apóteki.

  • Koffínátín – fæst án lyfseðils
  • Postafen – fæst án lyfseðils
  • Scopolamin plástur – lyfseðilsskyltEinnig má fá armbönd gegn ferðaveiki sem sumir telja að hjálpi.

Önnur ráð:

  • Engifer er jurt sem nýlega hefur fengið aukna athygli vegna þess að því er haldið fram að hún geti slegið á ógleði sem fylgir sjóveiki. Til forna tuggðu kínverskir sjómenn engiferrót til að draga úr sjóveiki. Flest lyf sem virka á ógleði verka á heilann en engifer virkar aðeins á magann. Ráðlagt er að taka 1000 mg. hylki hálftíma fyrir brottför. Einnig má taka eitt eða tvö 500 mg. hylki sem eru til viðbótar á ferðalaginu. Ekki er ráðlagt að drekka coke með engifertöflum.
  • Piparminta og te eru einnig gömul húsráð við ferðaveiki.
  • Sumum finnst betra að taka sýrujafnandi töflur, Alminox eða slíkt áður en þú heldur á sjó og þá er gott að hafa box með út á sjó.

Hvar í skipinu er best að vera o.fl.

  • Minna finnst fyrir hreyfingu og veltingi ef maður er staddur næst miðju bátsins.
  • Mörgum finnst gott að vera í kulda, t.d.að vera úti á dekki og láta vindinn leika um sig.
  • Matarlykt fer illa í þá sem hætt er við sjóveiki og einnig pústið frá bátnum.

Þungun:

Þungaðar konur sem þjást af sjóveiki mega nota koffinátín í litlum skömmtum en best er að ráðfæra sig við lækni eða lyfjafræðing.
Þunguðum konum er ekki ráðlagt að nota engifer þar sem það er ekki staðfest hvort það geti haft skaðleg áhrif á fóstur.

Eyjafréttir
Keyrt af  GDPR Cookie Compliance
Friðhelgisyfirlýsing

Þessi vefsíða notar fótspor til að við getum veitt þér bestu notendaupplifun. Upplýsingar um fótspor eru geymdar í vafranum þínum og framkvæma aðgerðir eins og að þekkja þig þegar þú kemur aftur á vefsíðu okkar og hjálpa teymi okkar að skilja hvaða hluta vefsíðunnar þér finnst áhugaverðast og gagnlegast.