Fengu 38 athugasemdir við breytingar á aðalskipulagi fyrir hafnarsvæði

Eyjafréttir
·
Fréttir
·
6. mars 2024

Bæjarstjórn Vestmannaeyja samþykkti á fundi sýnum þann 25. janúar 2024 að auglýsa skipulagslýsingu fyrir breytingar á aðalskipulagi sem gerir ráð fyrir nýjum landnotkunarreitum fyrir hafnarsvæði. Frestur til að skila ábendingum og athugasemdum við tillöguna rann út 26. febrúar.

Ánægð að fólk láti sig skipulagsmálin varða
Dagný Hauksdóttir Skipulags- og umhverfisfulltrúi staðfesti í samtali við Eyjafréttir að alls hafi borist 38 athugasemdir við breytingunum. “Það hafa komið umsagnir frá 22 íbúa, 10 fyrirtækjum og félögum og 6 umsagnaraðilum.” Kom þessi fjöldi á óvart? “Já og nei. Hann kemur á óvart af því við fáum yfirleitt ekki margar umsagnir frá íbúum, en miðað við hvað málið er stórt þá hefði ég alveg búist við jafnvel enn fleiri umsögnum. Ég er alltaf ánægð að fólk láti sig skipulagsmálin varða.”

Umræðan á skjön
Mikil umræða um þetta mál hefur ekki komið Dagnýu á óvart. “Um er að ræða breytta landnotkun fyrir innviði sem eru mikilvægir fyrir samfélagið sem um leið munu hafa áhrif á umhverfi og ásýnd einstakra kennileita í Vestmannaeyjum. Því er mjög eðlilegt að íbúar hafi vissar áhyggjur sérstaklega þegar málið er svo stutt komið á veg og erfitt að sjá þetta fyrir. En það kemur á óvart hvað umræðan hefur verið á skjön eða ekki verið í samræmi við skipulagslýsinguna eða það sem ég hef heyrt hjá hafnarstjóra, t.d. að fullyrt er að kantur við Eiðið komi ekki lengur til greina, og að það þurfi að brjóta úr Klifinu til að gera höfn við Eiðið. Auk þess birtist mynd þar sem kanturinn við Gjábakkafjöru nær mun austar en áætlað er ásamt því að myndin var í röngum hlutföllum og því verið að gefa kolranga hugmynd með henni.”

Langt í land
Aðspurð um næstu skref í þessu máli segir hún þau fela í sér vinnu við breytingu á aðalskipulagi á vinnslustigi. “Á því stigi mun vera skýrara um hvaða landsvæði er að ræða og hvar hafnarkantarnir munu liggja. Sömuleiðis verður gerð grein fyrir ákvæðum varðandi hvers konar starfsemi og mannvirkjum er gert ráð fyrir. Vegagerðin er að vinna í nánari greiningu varðandi stórskipakant í Gjábakkafjöru. En mikilvægt er að árétta að hér er um að ræða vinnsla við aðalskipulagsbreytingu, eins og fram hefur komið, en ekki breyting á deiliskipulagi. Sem þýðir að útfærsla svæðanna mun ekki liggja fyrir að lok aðalskipulagsbreytingunni s.s. byggingareitir,” sagði Dagný að lokum.

Nýjustu fréttir

Íþróttir

Laskað lið ÍBV tapaði gegn Val

Aðsent

Athugasemd

Stjórnmál

Dísa leiðir Eyjalistann

Fréttir

Kvenfélagið Líkn færði HSU veglega gjöf

Vinnslustöðin

Loðnan tengir saman Vestmannaeyjar og Japan

Úr blaði Eyjafrétta

Listir og menning í Framhaldsskóla Vestmannaeyja

Fréttaskýring

Lestur ársreiknings bæjarins gefur allt aðra mynd

Áhugavert

Ísólfur Gylfi – 42 ár frá Helliseyjarslysinu

Mest lesið

Sjóveiki

Hvað er sjóveiki?

Sjóveiki er misræmi milli skynfæra líkamans sem senda boð til heilans um hreyfingu – kyrrstöðu.

Þegar einstaklingur er úti á sjó þá nema skynjarar í vökvafylltum gangi í innra eyra hreyfingu og senda boð til heilans að einstaklingur sé á hreyfingu. Augun senda hins vegar boð til heilans um að viðkomandi sé kyrr. Heilinn á erfitt með að vinna úr þessum misvísandi og ósamræmdu upplýsingum og sendir skilaboð til magans um að tæma sig – þ.e. veldur uppköstum.

Einkenni sjóveiki eru þreyta, ógleði, svimi, svitakóf og uppköst.

Góð ráð til að hindra sjóveiki:

Góð hvíld daginn fyrir brottför. Að fara seint að sofa og snemma um borð í bát fer ekki vel saman ef fólk er hætt við sjóveiki.

Forðist áfenga drykki daginn fyrir brottför

Forðist djúpsteiktan, brasaðan eða saltan mat daginn fyrir siglingu.

Borðið góðan morgunverð. Borðið gjarnan hvítt brauð, hafragraut og ávexti þó ekki sítrus ávexti.

Forðist mikið koffein. Mikið kaffi er ekki það sem maganum líkar fyrir sjóferð.

Hafðu mat með þér á sjó. Gott er að hafa samlokur með kjúklingi eða kalkún. Kjötið er fitusnautt og brauðið er róandi í maga. Hafðu endilega eitthvað til að grípa í sem er létt í maga. Bananar eru mjög góðir til að narta í ef þú finnur fyrir ógleði en einnig er gott að hafa létt kex eða annað sem er ekki salt eða fitumikið.

Drekkið vel af vatni en einnig er gott er að drekka kóla drykki eða engiferöl í sjóferðinni

Lyf við sjóveiki þ.e. lyf sem slá á einkennin og fást án lyfseðils í apóteki.

Koffínátín – fæst án lyfseðils

Postafen – fæst án lyfseðils

Scopolamin plástur – lyfseðilsskyltEinnig má fá armbönd gegn ferðaveiki sem sumir telja að hjálpi.

Önnur ráð:

Engifer er jurt sem nýlega hefur fengið aukna athygli vegna þess að því er haldið fram að hún geti slegið á ógleði sem fylgir sjóveiki. Til forna tuggðu kínverskir sjómenn engiferrót til að draga úr sjóveiki. Flest lyf sem virka á ógleði verka á heilann en engifer virkar aðeins á magann. Ráðlagt er að taka 1000 mg. hylki hálftíma fyrir brottför. Einnig má taka eitt eða tvö 500 mg. hylki sem eru til viðbótar á ferðalaginu. Ekki er ráðlagt að drekka coke með engifertöflum.

Piparminta og te eru einnig gömul húsráð við ferðaveiki.

Sumum finnst betra að taka sýrujafnandi töflur, Alminox eða slíkt áður en þú heldur á sjó og þá er gott að hafa box með út á sjó.

Hvar í skipinu er best að vera o.fl.

Minna finnst fyrir hreyfingu og veltingi ef maður er staddur næst miðju bátsins.

Mörgum finnst gott að vera í kulda, t.d.að vera úti á dekki og láta vindinn leika um sig.

Matarlykt fer illa í þá sem hætt er við sjóveiki og einnig pústið frá bátnum.

Þungun:

Þungaðar konur sem þjást af sjóveiki mega nota koffinátín í litlum skömmtum en best er að ráðfæra sig við lækni eða lyfjafræðing.
Þunguðum konum er ekki ráðlagt að nota engifer þar sem það er ekki staðfest hvort það geti haft skaðleg áhrif á fóstur.

Nýjustu fréttir

Góð ráð fyrir siglingu

Sjóveiki