Fjórhjólaferðir veita fólki nýja sýn á Vestmannaeyjar

Volcano ATV var stofnað árið 2019 og er í eigu Þorsteins Traustasonar. Volcano ATV býður gestum upp á skemmtilegar ferðir með leiðsögn á fjórhjólum. Þorsteinn Traustason, eða Steini eins og hann er kallaður, stofnandi fyrirtækisins, segir hugmyndina af ferðunum hafa kviknað í tengslum við áhuga hans á mótorcrossi. Hann var oft á hjóli upp á hrauni og heillaðist mikið af svæðinu.

,,Mér hefur alltaf þótt umhverfið þar mjög flott og þetta er pínu andstæðan við það sem við sjáum oft hér í Eyjum. Þarna ertu komin frá græna grasinu og fuglunum yfir í dökkt umhverfi og færð að upplifa hraunið.“ Hann bætir við að þetta séu svæði þar sem erfitt sé að komast að nema á fjórhjólum, mótorhjólum eða öðru slíku. Honum hafi alltaf langað til að leyfa öðrum að upplifa það líka og sýna fólki þennan hluta af eyjunni.

Hugmyndin með ferðunum sé ekki hugsuð til að keyra adrenalínið í botn heldur frekar keyra um, fara á staði sem er annars erfitt að fara á og fræða fólk með sögunni um Vestmannaeyjar. ,,Við stoppum á fjórum stöðum og förum yfir söguna. Við viljum hafa þetta gaman, en líka fróðlegt,“ bætir Steini við. Hann segir ameríkanann oft einstaklega áhugasaman og segir að oft reynist erfitt að halda túrnum á réttum tíma með þeim, því þeim þykir sagan svo ótrúlega áhugaverð og merkileg. ,,Fólkið heillast alveg jafn mikið af sögunni eins og af náttúrunni og þeim þykir merkilegt að komast á þessa staði“, bætir hann við. Steini segir sumarið hafa farið mjög vel af stað. ,,Við höfum verið að prófa okkur með að byrja aðeins fyrir sumarið og byrja í apríl. Í fyrra var sá tími rólegur hjá okkur en í ár gekk það mun betur og núna er tímabilið bara alveg byrjað. Við höfum verið að ná að hafa opið hjá okkur frá apríl til nóvember.“ En hvað er í mestu uppáhaldi hjá Steina við fjórhjólin? ,,Persónulega finnst mér skemmtilegast að fara í góðu veðri og vera í beinum tengslum við náttúruna. Þú ert með þetta hreina og góða loft og þetta frábæra útsýni. Fyrir mér er það að ferðast um á fjórhjóli bara aukin náttúruupplifun og frelsi,“ segir hann að lokum.

Nýjustu fréttir

Skólamál

Bríet Björk, Caritas Rós og Kolbrá bestar

Aðsend grein

Ykkar er valið

Menntamál

Niðurstöður prófa – Vestmannaeyjar í einstakri stöðu

Fortíðarflakk

Að alast upp í Vestmannaeyjum

Íþróttir

Halldór Jón aftur í ÍBV

Myndband

Fluttu hús í heilu lagi

Sjávarútvegur

Sjávarafurðir: Ágætis aukning í febrúar

Sjávarútvegur

Eyjarnar landa í Þorlákshöfn

Mest lesið

Sjóveiki

Hvað er sjóveiki?

Sjóveiki er misræmi milli skynfæra líkamans sem senda boð til heilans um hreyfingu – kyrrstöðu.

Þegar einstaklingur er úti á sjó þá nema skynjarar í vökvafylltum gangi í innra eyra hreyfingu og senda boð til heilans að einstaklingur sé á hreyfingu. Augun senda hins vegar boð til heilans um að viðkomandi sé kyrr. Heilinn á erfitt með að vinna úr þessum misvísandi og ósamræmdu upplýsingum og sendir skilaboð til magans um að tæma sig – þ.e. veldur uppköstum.

Einkenni sjóveiki eru þreyta, ógleði, svimi, svitakóf og uppköst.

Góð ráð til að hindra sjóveiki:

Góð hvíld daginn fyrir brottför. Að fara seint að sofa og snemma um borð í bát fer ekki vel saman ef fólk er hætt við sjóveiki.

Forðist áfenga drykki daginn fyrir brottför

Forðist djúpsteiktan, brasaðan eða saltan mat daginn fyrir siglingu.

Borðið góðan morgunverð. Borðið gjarnan hvítt brauð, hafragraut og ávexti þó ekki sítrus ávexti.

Forðist mikið koffein. Mikið kaffi er ekki það sem maganum líkar fyrir sjóferð.

Hafðu mat með þér á sjó. Gott er að hafa samlokur með kjúklingi eða kalkún. Kjötið er fitusnautt og brauðið er róandi í maga. Hafðu endilega eitthvað til að grípa í sem er létt í maga. Bananar eru mjög góðir til að narta í ef þú finnur fyrir ógleði en einnig er gott að hafa létt kex eða annað sem er ekki salt eða fitumikið.

Drekkið vel af vatni en einnig er gott er að drekka kóla drykki eða engiferöl í sjóferðinni

Lyf við sjóveiki þ.e. lyf sem slá á einkennin og fást án lyfseðils í apóteki.

Koffínátín – fæst án lyfseðils

Postafen – fæst án lyfseðils

Scopolamin plástur – lyfseðilsskyltEinnig má fá armbönd gegn ferðaveiki sem sumir telja að hjálpi.

Önnur ráð:

Engifer er jurt sem nýlega hefur fengið aukna athygli vegna þess að því er haldið fram að hún geti slegið á ógleði sem fylgir sjóveiki. Til forna tuggðu kínverskir sjómenn engiferrót til að draga úr sjóveiki. Flest lyf sem virka á ógleði verka á heilann en engifer virkar aðeins á magann. Ráðlagt er að taka 1000 mg. hylki hálftíma fyrir brottför. Einnig má taka eitt eða tvö 500 mg. hylki sem eru til viðbótar á ferðalaginu. Ekki er ráðlagt að drekka coke með engifertöflum.

Piparminta og te eru einnig gömul húsráð við ferðaveiki.

Sumum finnst betra að taka sýrujafnandi töflur, Alminox eða slíkt áður en þú heldur á sjó og þá er gott að hafa box með út á sjó.

Hvar í skipinu er best að vera o.fl.

Minna finnst fyrir hreyfingu og veltingi ef maður er staddur næst miðju bátsins.

Mörgum finnst gott að vera í kulda, t.d.að vera úti á dekki og láta vindinn leika um sig.

Matarlykt fer illa í þá sem hætt er við sjóveiki og einnig pústið frá bátnum.

Þungun:

Þungaðar konur sem þjást af sjóveiki mega nota koffinátín í litlum skömmtum en best er að ráðfæra sig við lækni eða lyfjafræðing.
Þunguðum konum er ekki ráðlagt að nota engifer þar sem það er ekki staðfest hvort það geti haft skaðleg áhrif á fóstur.

Nýjustu fréttir

Góð ráð fyrir siglingu

Sjóveiki