Meistarakeppni HSÍ karla og kvenna sem átti að fara fram nk. laugardag hefur verið flýtt. Veðurspáin fyrir laugardaginn er slæm og gerði liðunum erfitt fyrir að komast til og frá Vestmannaeyjum.

Ákveðið hefur verið að Meistarakeppni HSÍ karla, þar sem ÍBV og Afturelding mætast, verður spiluð í Vestmannaeyjum 31. ágúst kl. 17:00.

Meistarakeppni HSÍ kvenna, þar sem Valur og ÍBV eigast við, fer fram í Origo höllinni 1. september kl. 18:00, að því er fram kemur í tilkynningu frá Handknattleikssambandi Íslands.