- Eyjafréttir
- ·
- Fréttir
- ·
Foreldrar hvattir til að gæta að yngstu vegfarendunum
Lögregla bendir Vestmannaeyingum á að slæm veðurspá er fyrir næsta sólarhring.
Um miðjan dag á að ganga í vestan hvassviðri eða storm. Búast má við að stöðugur vindur geti farið í allt að 26 m/s en mun hvassara í hviðum. Veðurstofan hefur gefið út gula viðvörun fyrir Vestmannaeyjar.
Íbúar eru hvattir til að huga að lausum munum. Þá eru foreldrar hvattir til að gæta að yngstu vegfarendunum og að þeir séu ekki einir á ferðinni á meðan versta veðrið gengur yfir.
Að gefnu tilefni eru íbúar sérstaklega beðnir um að huga að ruslatunnum en í óveðrinu í desember varð nokkuð tjón þegar ruslatunnur voru að fjúka og valda skemmdum. Búist er við að þessi veðurhæð standi fram á næsta morgun.
