Þar segir að þau hafi komið í heimsókn í Ráðhúsið og kynntu þau Byggðastofnun og verkefni hennar sem eru margvísleg, áhugaverð og þörf. Heimasíða stofnunarinnar er öflug og þar eru mælaborð með ýmiss konar tölulegum upplýsingum er varða landsbyggðarsveitarfélögin (Mælaborð | Byggðastofnun (byggdastofnun.is)

Sérstök athygli var vakin á könnun sem Maskína framkvæmir fyrir hönd Byggðastofnunar meðal íbúa um land allt (utan höfuðborgarsvæðis) er varðar mikilvæga þjónustuþætti. Hægt er að taka þátt í könnuninni með því að fara á www.maskina.is/byggdastofnun

Gestirnir komu færandi hendi með bókina Byggðafesta og búferlaflutningar á Íslandi en í henni eru fyrstu niðurstöður rannsóknarverkefnisins Byggðafesta og búferlaflutningar sem unnið var á vegum Byggðastofnunar í samvinnu við sérfræðinga við ýmsar háskólastofnanir. Í ritinu er farið yfir svæðisbundna mannfjöldaþróun á Íslandi, mynstur búferlaflutninga o.fl.