- Eyjafréttir
- ·
- Almennt
- ·
Búið er að gefa út gular viðvaranir vegna veðurs á Suðurlandi og Suðausturlandi. Búist er við austan hvassviðri eða stormi og tekur viðvörunin gildi á morgun, hvítasunnudag. kl. 08:00 og er í gildi til kl. 21:00 á Suðurlandi.
Í viðvörunartexta Veðurstofunnar fyrir Suðurland segir: Gengur í austan 15-23 m/s, hvassast austantil. Búast má við mjög snörpum vindhviðum við fjöll, staðbundi yfir 30 m/s, einkum undir Eyjafjöllum. Varasamt fyrir vegfarendur með aftanívagna eða á ökutækjum sem taka á sig mikinn vind. Fólk er hvatt til að sýna aðgát og ganga frá lausum munum.
Veðurhorfur á landinu næstu daga
Á mánudag (annar í hvítasunnu):
Suðlæg átt 3-10 m/s, en austan 8-15 við norðurströndina fram eftir morgni. Rigning með köflum víða um land. Bjart með köflum en stöku skúrir suðvestanlands. Hiti 3 til 10 stig.
Á þriðjudag og miðvikudag:
Suðlæg eða breytileg átt 3-10 og dálítil væta með köflum. Hiti 4 til 10 stig.
Á fimmtudag:
Norðlæg eða breytileg átt og dálítil rigning en styttir upp sunnanlands. Hiti 2 til 10 stig, mildast sunnan heiða.
Á föstudag:
Útlit fyrir vaxandi suðaustanátt. Þykknar upp og fer að rigna sunnan- og vestanlands seinnipartinn. Hiti 8 til 13 stig.
Spá gerð: 18.05.2024 08:31. Gildir til: 25.05.2024 12:00.
