ÍBV vann þjóðhátíðarleikinn gegn lærisveinum Gunnars Heiðars Þorvaldssonar í Njarðvík í gær. Leikið var í Eyjum. Kaj Leo í Bartolsstovu – fyrrum leikmaður ÍBV – skoraði eina mark gestanna í þessum leik.

Oliver Heiðarsson lét til sín taka í síðari hálfleik og skoraði hann tvö mörk í seinni hálfleik og tryggði Eyjamönnum þrjú stig, en seinna mark Olivers kom á 93. mínútu, og var það með þeim hætti að markvörður Njarðvíkur rennur þegar hann er að spyrna frá markinu. Boltinn berst beint á Oliver sem tekur viðstöðulaust skot í stöng og inn.

Góður sigur ÍBV í toppbaráttuslag. Eyjaliðið er nú með 28 stig. Þremur meira en Njarðvík sem er í því þriðja. Á toppnum trónir Fjölnir með 32 stig að afloknum 15 umferðum.

Horfa má á leikinn hér að neðan.