Næstkomandi fimmtudagskvöld, 12. september kl. 20:00 í Einarsstofu mun Þórhallur Helgi Barðason bregða á leik ásamt hljómsveit, Karlakór, organista og tveimur atvinnu upplesurum. Lesið verður upp úr verkum Þórhalls, þar á meðal úr nýjustu bók hans: Um yfirvegaðan ofsa.

Bókin verður til sölu á staðnum og verður árituð fyrir hálft orð. Þetta er útgáfu hóf. Um upplestur undir hljóðfæraleik sjá þeir Guðmundur Örn Jónsson og Páll Magnússon. Þórhallur tekur lagið milli upplestra sem og Karlakór Vestmannaeyja. Kári verður með heitt á könnunni. Frítt inn og allir velkomnir.