Mikilvægt að standa vel að komu fólks

Á fundi sínum þann 16. mars sl., tók bæjarráð Vestmannaeyja fyrir málefni flóttafólks frá Úkraínu. Málið var til umræðu á fundi bæjarstjórna í vikunni sem leið. Félags- og vinnumarkaðsráðuneytið hefur verið að þróa samræmda móttöku flóttafólks í samstarfi við fimm sveitarfélög og er unnið að því að festa móttökukerfið í sessi. Að verkefninu koma auk sveitarfélaga, Vinnumálastofnun, Fjölmenningarsetur og Rauði krossinn. Félags- og vinnumarkaðsráðuneytið hefur óskað eftir þátttöku sveitarfélaga í þessu brýna verkefni, þar sem þátttakan getur verið sniðin að stærð og getu hvers sveitarfélags.

Bæjarráð fól bæjarstjóra og framkvæmdastjóra stjórnsýslu- og fjármálasviðs, að setja sig í samband við félagsmálaráðuneytið, Útlendingastofnun og nýskipaðan aðgerðahóp, til þess að bjóða fram aðstoð sveitarfélagsins vegna móttöku flóttafólks. Send var fyrirspurn á tengilið félagsmrálaráðuneytisins við sveitarfélög vegna móttöku flóttafólks, þar sem boðin var fram aðstoð Vestmannaeyjabæjar og óskað eftir upplýsingum um næstu skref. Beðið er svara frá ráðuneytinu.

Jafnframt ákvað bæjarráð að setja á laggirnar vinnuhóp á vegum Vestmannaeyjabæjar, sem hafi það hlutverk að aðstoða flóttafólk við að komast inn í samfélagið í Vestmannaeyjum og hefur hópurinn þegar tekið til starfa.

Sameiginleg bókun bæjarstjórnar
Grimmileg innrás Rússa í Úkraínu hefur kallað yfir úkraínsku þjóðina miklar hörmungar. Milljónir hafa lagst á flótta og daglega berast fréttir af grimmdarverkum rússneska hersins gagnvart saklausum borgurum.

Bæjarstjórn Vestmannaeyja fordæmir harðlega innrás Rússa í Úkraínu þar sem brotið er á sjálfstæði og sjálfræði úkraínsku þjóðarinnar.

Mikilvægt er að ríki og sveitarfélög sýni úkraínsku þjóðinni stuðning. Bæjarstjórn lýsir því yfir að Vestmannaeyjabær er reiðubúinn til þess að taka á móti flóttafólki í samstarfi við stjórnvöld. Mikilvægt er að standa vel að komu fólks, veita því góða þjónustu og tryggja að það komist inn í samfélagið okkar.

Nýjustu fréttir

Íþróttir
ÍBV og FH skildu jöfn á Hásteinsvelli
Vinnslustöðin
Vinnslustöðin snýr vörn í sókn á krefjandi ári
Herjólfur
Bilun í Herjólfi veldur lengri siglingatíma
Stjórnmál
Spurt og svarað: Guðni Hjöll frá Miðflokknum
Íþróttir
ÍBV hefur leik í Bestu deildinni – tekur á móti FH á Hásteinsvelli
Fréttir
Flugvél frá Icelandair flaug óvenju lágt yfir Eyjum
Samgöngur
Lækkandi ölduhæð og Álfsnesið á leiðinni
Stjórnmál
Spurt og svarað: Erlingur frá Eyjalistanum
Mest lesið

Góð ráð fyrir siglingu

Sjóveiki

Hvað er sjóveiki?

Sjóveiki er misræmi milli skynfæra líkamans sem senda boð til heilans um hreyfingu – kyrrstöðu.

Þegar einstaklingur er úti á sjó þá nema skynjarar í vökvafylltum gangi í innra eyra hreyfingu og senda boð til heilans að einstaklingur sé á hreyfingu. Augun senda hins vegar boð til heilans um að viðkomandi sé kyrr. Heilinn á erfitt með að vinna úr þessum misvísandi og ósamræmdu upplýsingum og sendir skilaboð til magans um að tæma sig – þ.e. veldur uppköstum.

Einkenni sjóveiki eru þreyta, ógleði, svimi, svitakóf og uppköst.

Góð ráð til að hindra sjóveiki:

  • Góð hvíld daginn fyrir brottför. Að fara seint að sofa og snemma um borð í bát fer ekki vel saman ef fólk er hætt við sjóveiki.
  • Forðist áfenga drykki daginn fyrir brottför
  • Forðist djúpsteiktan, brasaðan eða saltan mat daginn fyrir siglingu.
  • Borðið góðan morgunverð. Borðið gjarnan hvítt brauð, hafragraut og ávexti þó ekki sítrus ávexti.
  • Forðist mikið koffein. Mikið kaffi er ekki það sem maganum líkar fyrir sjóferð.
  • Hafðu mat með þér á sjó. Gott er að hafa samlokur með kjúklingi eða kalkún. Kjötið er fitusnautt og brauðið er róandi í maga. Hafðu endilega eitthvað til að grípa í sem er létt í maga. Bananar eru mjög góðir til að narta í ef þú finnur fyrir ógleði en einnig er gott að hafa létt kex eða annað sem er ekki salt eða fitumikið.
  • Drekkið vel af vatni en einnig er gott er að drekka kóla drykki eða engiferöl í sjóferðinni

Lyf við sjóveiki þ.e. lyf sem slá á einkennin og fást án lyfseðils í apóteki.

  • Koffínátín – fæst án lyfseðils
  • Postafen – fæst án lyfseðils
  • Scopolamin plástur – lyfseðilsskyltEinnig má fá armbönd gegn ferðaveiki sem sumir telja að hjálpi.

Önnur ráð:

  • Engifer er jurt sem nýlega hefur fengið aukna athygli vegna þess að því er haldið fram að hún geti slegið á ógleði sem fylgir sjóveiki. Til forna tuggðu kínverskir sjómenn engiferrót til að draga úr sjóveiki. Flest lyf sem virka á ógleði verka á heilann en engifer virkar aðeins á magann. Ráðlagt er að taka 1000 mg. hylki hálftíma fyrir brottför. Einnig má taka eitt eða tvö 500 mg. hylki sem eru til viðbótar á ferðalaginu. Ekki er ráðlagt að drekka coke með engifertöflum.
  • Piparminta og te eru einnig gömul húsráð við ferðaveiki.
  • Sumum finnst betra að taka sýrujafnandi töflur, Alminox eða slíkt áður en þú heldur á sjó og þá er gott að hafa box með út á sjó.

Hvar í skipinu er best að vera o.fl.

  • Minna finnst fyrir hreyfingu og veltingi ef maður er staddur næst miðju bátsins.
  • Mörgum finnst gott að vera í kulda, t.d.að vera úti á dekki og láta vindinn leika um sig.
  • Matarlykt fer illa í þá sem hætt er við sjóveiki og einnig pústið frá bátnum.

Þungun:

Þungaðar konur sem þjást af sjóveiki mega nota koffinátín í litlum skömmtum en best er að ráðfæra sig við lækni eða lyfjafræðing.
Þunguðum konum er ekki ráðlagt að nota engifer þar sem það er ekki staðfest hvort það geti haft skaðleg áhrif á fóstur.

Eyjafréttir
Keyrt af  GDPR Cookie Compliance
Friðhelgisyfirlýsing

Þessi vefsíða notar fótspor til að við getum veitt þér bestu notendaupplifun. Upplýsingar um fótspor eru geymdar í vafranum þínum og framkvæma aðgerðir eins og að þekkja þig þegar þú kemur aftur á vefsíðu okkar og hjálpa teymi okkar að skilja hvaða hluta vefsíðunnar þér finnst áhugaverðast og gagnlegast.