Hólmfríður Sólveig Ólafsdóttir, fædd 4.nóvember 1936 í Reykjavík. Foreldrar Aðalheiður Knudsen og Ólafur Þórðarson, mjólkurfræðingur. Maki, Guðjón Ólafsson, fæddur 1.nóvember 1935. Og tveir synir, Ólafur Týr, fæddur 1963, og Ósvaldur Freyr, fæddur 1964.

Hólmfríður Ólafsdóttir hjúkrunarfræðingur, lést á Landsspítalanum að kvöldi miðvikudags 14.desember síðastliðinn. Við sem unnum með henni á sjúkrahúsinu í Vestmannaeyjum söknum hennar, hún var yndislegur vinnufélagi, svo glaðleg alltaf, hafði svo góða og notalega nærveru og mjög söngelsk. Okkur öllum þótti svo innilega vænt um hana. Hólmfríður vann mestan sinn starfsferil á heilsugæslustöð sjúkrahús Vestmannaeyja. Þar var líka hlutverk hennar að hugsa um ungbarnaeftirlit út í bæ og var líka til aðstoðar í mörg ár þegar læknar og starfsfólk krabbameinsleitar komu hingað til eyja. Hólmfríður söng í áratugi í kirkjukór Landakirkju og átti þar mjög góð vináttusambönd við söngfélaga sína þar, eins og allstaðar þar sem hún var í virkri vinnu.

Ég held ég geti talað fyrir munn allra sem unnu með Hólmfríði að við erum mjög þakklátar fyrir yndislega vináttu hennar og smitandi glaðværð. Hún hvíli í friði,
Elísabet Arnoddsdóttir.