Emil Gautason, leikmaður ÍBV í fótbolta, skoraði í 5-1 sigri u-16 ára landsliðs Íslands á Eistlandi í gærkvöld, er liðin mættust á Þróunarmóti UEFA í Færeyjum. 

Emil skoraði fimmta mark Íslands í leiknum þegar hann átti frábært hlaup í gegnum vörn Eista og skoraði með fyrstu snertingu í fjær hornið, óverjandi fyrir markvörðinn.

Emil átti einnig stóran þátt í fjórða marki Íslands í leiknum þegar hann lét boltann renna í gegnum klofið á sér áður en boltinn barst á markaskorarann Emil Eldar í uppbyggingu sóknarinnar. 

Ísland mætir Bosníu og Herzegóvínu í næsta leik sínum á mótinu á sunnudag.