Meðal erinda á fundi bæjarráðs þann 30. júlí sl. var samningur um raforkusölu.

Orkusalan hefur sagt upp nýlegum raforkusamningi við Vestmannaeyjabæ. Fram kemur í tilkynningu þess efnis að Orkusalan þurfi að endurskoða ákvæði samnings og býður Vestmannaeyjabæ að gera nýjan samning sem tæki gildi 1.10.2024

Á fundinum lýsti bæjarráð yfir vonbrigðum með að Orkusalan skuli hafa sagt upp samningnum og felur framkvæmdastjóra umhverfis- og framkvæmdasviðs að undirbúa nýja verðkönnun og fara í hana sem fyrst.