Patrick jafnaði markamet Tryggva í efstu deild
Tryggvi lék sína fyrstu leiki í efstu deild 1992 með ÍBV. Sló í gegn sumarið 1993. Þá skoraði hann tólf mörk fyrir ÍBV sem hélt sér uppi þökk sé frægu marki bjargvættarins Martins Eyjólfssonar gegn Fylki í lokaumferðinni.

Danski framherjinn Patrick Pedersen jafnaði met Tryggva Guðmundssonar í efstu deild karla í fótbolta þegar Valur vann FH 3:1 í Bestu deild karla í fótbolta. Hafa Patrick og Tryggvi skorað 131 mark. Þess ber að geta að Tryggvi spilaði erlendis frá því hann var 23 til 30 ára og hann er kantmaður en Patrick er framherji.

Það er líklegt að met Tryggva falli á allra næstu dögum en hann er alveg sáttur. „Patrick er frábær knattspyrnumaður og framherji en ég var meira á kantinum. Hann er vel að þessu kominn. Ég er stoltur af mínum ferli en það hlaut að koma að því að metið mitt yrði slegið,“ sagði Tryggvi.

Tryggvi sá allra besti

Í bráðskemmtilegri yfirferð sem Vísir tók saman um val á bestu leikmönnum í efstu deild karla í kanttspyrnu er listi yfir sextíu bestu leikmenn efstu deildar karla frá 1992 og er Tryggvi í efsta sæti. Í greininni er rakinn glæstur ferill Tryggva sem fæddist 1974 og vakti ungur athygli fyrir frábæra takta á knattspyrnuvellinum.

Á visir.is segir:

Hér er farið yfir leikmanninn sem endaði í 1. sæti í valinu á bestu leikmönnum í efstu deild karla í fótbolta frá 1992.

  1. Tryggvi Guðmundsson
  • Lið: ÍBV, KR, FH, Fylkir
  • Staða: Kantmaður
  • Fæðingarár: 1974
  • Íslandsmeistari: 1997, 2005, 2006, 2008, 2009
  • Bikarmeistari: 1994, 2007
  • Leikir: 241
  • Mörk: 131
  • Stoðsendingar: 73
  • Leikmaður ársins: 1997
  • Sex sinnum í liði ársins
  • Gullskór: 1997, 2005
  • Silfurskór: 1995
  • Bronsskór: 2008

Í umfjölluninni er farið yfir afrekaskrá Tryggva Guðmundssonar. Fimm sinnum Íslandsmeistari, tvisvar sinnum bikarmeistari, enn handhafi metsins yfir flest mörk í sögu efstu deildar, var handhafi markametsins í 27 ár, kom með beinum hætti að 204 mörkum í efstu deild (sá eini sem hefur farið yfir tvö hundruð mörkin), einu sinni leikmaður ársins, einu sinni besti ungi leikmaðurinn, tvisvar sinnum markakóngur, einu sinni stoðsendingakóngur og annar tveggja (ásamt Guðmundi Steinssyni) sem hafa náð sex tíu marka tímabilum í efstu deild. Allt þetta þrátt fyrir að hafa spilað sjö ár, á besta aldri, erlendis.

Tryggvi Guðmundsson varð Íslandsmeistari með ÍBV 1997 og var nálægt því að endurtaka leikinn 2010.

Tryggvi lék sína fyrstu leiki í efstu deild 1992 en sló í gegn sumarið 1993. Þá skoraði hann tólf mörk fyrir ÍBV sem hélt sér uppi þökk sé frægu marki bjargvættarins Martins Eyjólfssonar gegn Fylki í lokaumferðinni. Tryggvi átti reyndar risastóran þátt í að Eyjamenn héldu sér uppi því hann skoraði þrennu í 2-9 sigri á Víkingum í næstsíðustu umferðinni. Sá stóri sigur gaf ÍBV tækifæri á að halda sér uppi með sigri á Fylki í hreinum úrslitaleik í lokaumferðinni.

Eftir eitt ár í KR þar sem Tryggvi varð bikarmeistari sneri hann aftur til Eyja 1995 og var besti leikmaður stórskemmtilegs liðs ÍBV sem endaði í 3. sæti. Tryggvi skoraði fjórtán mörk og átti Gullskóinn vísan áður en Arnar Gunnlaugsson kom til skjalanna. Tryggvi skoraði svo átta mörk og gaf sjö stoðsendingar sumarið 1996 þar sem ÍBV lenti í 4. sæti í deild og 2. sæti í bikar.

Eftir fimm ára sigurgöngu ÍA var komið að lyklaskiptum á toppnum 1997. ÍBV varð meistari í fyrsta sinn í átján ár og var hársbreidd frá því að vinna tvöfalt. Tryggvi skoraði nítján mörk, jafnaði markametið í efstu deild og var valinn leikmaður ársins. Hann var sérstaklega öflugur eftir því sem leið á tímabilið og skoraði ellefu mörk í síðustu sex leikjum ÍBV. Tryggvi skoraði þrennu á tíu síðustu mínútum gegn Val í 15. umferð og svo aftur þrennu þegar ÍBV tryggði sér titilinn með 5-1 sigri á Keflavík í næstsíðustu umferðinni.

Nánar á Vísi.

Tryggvi Guðmundsson (fæddur 30. júlí 1974 í Vestmannaeyjum) er fyrrum knattspyrnumaður og núverandi þjálfari. Hann er markahæsti leikmaður í sögu Íslendinga með 331 mark og varð oft markakóngur íslensku toppdeildarinnar.

Tryggvi spilaði á Norðurlöndunum með Tromsø og Stabæk og Örgryte IS. Hann varð með markahæstu mönnum norsku deildarinnar nokkur skipti.

 

Á visir.is segir:

Hér er farið yfir leikmanninn sem endaði í 1. sæti í valinu á bestu leikmönnum í efstu deild karla í fótbolta frá 1992.

  1. Tryggvi Guðmundsson
  • Lið: ÍBV, KR, FH, Fylkir
  • Staða: Kantmaður
  • Fæðingarár: 1974
  • Íslandsmeistari: 1997, 2005, 2006, 2008, 2009
  • Bikarmeistari: 1994, 2007
  • Leikir: 241
  • Mörk: 131
  • Stoðsendingar: 73
  • Leikmaður ársins: 1997
  • Sex sinnum í liði ársins
  • Gullskór: 1997, 2005
  • Silfurskór: 1995
  • Bronsskór: 2008

Nánar á Vísi.

 

 

Nýjustu fréttir

Úr blaði Eyjafrétta
Skýr skilaboð frá flokksmönnum 
Aðsend grein
Framtíðarsýn og grunngildi – Hvert erum við að fara?
Samgöngur
Landeyjahöfn – Þurfum öflugt dæluskip
Úr blaði Eyjafrétta
Viljum frekar byggja upp en að rífa niður 
Samgöngur
Dæluskipið Álfsnes á Bíldudal
Úr blaði Eyjafrétta
Ótrúlegt að 1.200 manns taki þátt í prófkjöri í svona litlu samfélagi 
Sjávarútvegur
Lagt til að ráðist verði í könnunarveiðar á humri
Fréttir
Vel heppnaðri loðnuvertíð lokið
Mest lesið

Góð ráð fyrir siglingu

Sjóveiki

Hvað er sjóveiki?

Sjóveiki er misræmi milli skynfæra líkamans sem senda boð til heilans um hreyfingu – kyrrstöðu.

Þegar einstaklingur er úti á sjó þá nema skynjarar í vökvafylltum gangi í innra eyra hreyfingu og senda boð til heilans að einstaklingur sé á hreyfingu. Augun senda hins vegar boð til heilans um að viðkomandi sé kyrr. Heilinn á erfitt með að vinna úr þessum misvísandi og ósamræmdu upplýsingum og sendir skilaboð til magans um að tæma sig – þ.e. veldur uppköstum.

Einkenni sjóveiki eru þreyta, ógleði, svimi, svitakóf og uppköst.

Góð ráð til að hindra sjóveiki:

  • Góð hvíld daginn fyrir brottför. Að fara seint að sofa og snemma um borð í bát fer ekki vel saman ef fólk er hætt við sjóveiki.
  • Forðist áfenga drykki daginn fyrir brottför
  • Forðist djúpsteiktan, brasaðan eða saltan mat daginn fyrir siglingu.
  • Borðið góðan morgunverð. Borðið gjarnan hvítt brauð, hafragraut og ávexti þó ekki sítrus ávexti.
  • Forðist mikið koffein. Mikið kaffi er ekki það sem maganum líkar fyrir sjóferð.
  • Hafðu mat með þér á sjó. Gott er að hafa samlokur með kjúklingi eða kalkún. Kjötið er fitusnautt og brauðið er róandi í maga. Hafðu endilega eitthvað til að grípa í sem er létt í maga. Bananar eru mjög góðir til að narta í ef þú finnur fyrir ógleði en einnig er gott að hafa létt kex eða annað sem er ekki salt eða fitumikið.
  • Drekkið vel af vatni en einnig er gott er að drekka kóla drykki eða engiferöl í sjóferðinni

Lyf við sjóveiki þ.e. lyf sem slá á einkennin og fást án lyfseðils í apóteki.

  • Koffínátín – fæst án lyfseðils
  • Postafen – fæst án lyfseðils
  • Scopolamin plástur – lyfseðilsskyltEinnig má fá armbönd gegn ferðaveiki sem sumir telja að hjálpi.

Önnur ráð:

  • Engifer er jurt sem nýlega hefur fengið aukna athygli vegna þess að því er haldið fram að hún geti slegið á ógleði sem fylgir sjóveiki. Til forna tuggðu kínverskir sjómenn engiferrót til að draga úr sjóveiki. Flest lyf sem virka á ógleði verka á heilann en engifer virkar aðeins á magann. Ráðlagt er að taka 1000 mg. hylki hálftíma fyrir brottför. Einnig má taka eitt eða tvö 500 mg. hylki sem eru til viðbótar á ferðalaginu. Ekki er ráðlagt að drekka coke með engifertöflum.
  • Piparminta og te eru einnig gömul húsráð við ferðaveiki.
  • Sumum finnst betra að taka sýrujafnandi töflur, Alminox eða slíkt áður en þú heldur á sjó og þá er gott að hafa box með út á sjó.

Hvar í skipinu er best að vera o.fl.

  • Minna finnst fyrir hreyfingu og veltingi ef maður er staddur næst miðju bátsins.
  • Mörgum finnst gott að vera í kulda, t.d.að vera úti á dekki og láta vindinn leika um sig.
  • Matarlykt fer illa í þá sem hætt er við sjóveiki og einnig pústið frá bátnum.

Þungun:

Þungaðar konur sem þjást af sjóveiki mega nota koffinátín í litlum skömmtum en best er að ráðfæra sig við lækni eða lyfjafræðing.
Þunguðum konum er ekki ráðlagt að nota engifer þar sem það er ekki staðfest hvort það geti haft skaðleg áhrif á fóstur.

Eyjafréttir
Keyrt af  GDPR Cookie Compliance
Friðhelgisyfirlýsing

Þessi vefsíða notar fótspor til að við getum veitt þér bestu notendaupplifun. Upplýsingar um fótspor eru geymdar í vafranum þínum og framkvæma aðgerðir eins og að þekkja þig þegar þú kemur aftur á vefsíðu okkar og hjálpa teymi okkar að skilja hvaða hluta vefsíðunnar þér finnst áhugaverðast og gagnlegast.