• Talning og prófkjörsvaka eftir lokun kjörfundar í kvöld – Mikill þátttaka var í utankjörfundar atkvæðagreiðslu

Prófkjör Sjálfstæðisflokksins fer fram í dag og stendur kjörfundur, í Ásgarði, frá kl. 14  til 22. Utankjörfundar atkvæðagreiðslu lauk í gærkvöldi og nýtti fjöldi kjósenda sér utankjörfundar atkvæðagreiðsluna en samtals kusu 494 utankjörfundar.

Talning mun hefjast strax við lokun kjörfundar í kvöld og er vonast til að úrslit liggi fyrir upp úr kl. 01. Tölur úr talningunni munu verða birtar amk. tvisvar áður en lokatölur koma.

Efnt verður til prófkjörsvöku í Akógeshúsinu frá kl. 21 í kvöld en þar munu frambjóðendur og þeirra stuðningsmenn fylgjast með fréttum af talningu  og er húsið opið fyrir þá sem áhuga hafa á að fylgjast með.

Tölur úr talningu verða lesnar í beinu streymi á Facebook síðu Sjálfstæðisflokksins í Vestmannaeyjum og þar munu einnig birtast fréttir af framgangi talningar og aðrar upplýsingar. Lokatölur munu þó einungis verða lesnar upp í Akóges, en að sjálfsögðu munu úrslitin birtast á Facebook síðunni. Einnig munu allar tölur og upplýsingar verða birtar á heimasíðu Sjálfstæðisflokksins xd.is .

Með prófkjöri gefur Sjálfstæðisflokkurinn, einn flokka í Eyjum, kjósendum kost á að stilla upp framboðslista fyrir bæjarstjórnarkosniingarnar í vor og vonumst við eftir að kjósendur nýti sér þetta tækifæri ti lað hafa áhrif á hvernig framboðslistinn mun verða. Við vonumst því eftir góðri þátttöku í prófkjörinu í dag.

Kjörstjórn