Líkt og greint var frá í síðustu viku hefur skipið BB Ocean verið í Eyjum að undirbúa lagningu tveggja nýrra rafstrengja milli lands og Eyja. Í þessari viku kom svo skipið Aura til Vestmannaeyja. Það er skipið sem mun leggja strengina í haf. Þá kom í byrjun vikunnar skipið UML Valentina en það kom með rafstrengina til landsins og nú er unnið að því að koma þeim á milli skipanna. Áætlað er að það geti tekið allt að viku að koma þeim á milli skipa.

Haft er eftir Ein­ari Snorra Ein­ars­syni, for­stöðumanni skrif­stofu for­stjóra Landsnets, í Morg­un­blaðinu í gær að verið sé að horfa til þess að hefja lagn­ingu strengj­anna í byrj­un júlí en streng­irn­ir verða lagðir frá Land­eyja­höfn.

„Þetta á eft­ir að stór­bæta af­hend­ingarör­yggi raf­orku í Vest­manna­eyj­um og einnig auka af­hend­ing­ar­getu sem stuðla mun að upp­bygg­ingu at­vinnu­lífs í Eyj­um til framtíðar,“ seg­ir Ein­ar Snorri og nefn­ir að lagn­ing raf­strengja sé viðkvæm fyr­ir veðurfari, ekki sé hægt að leggja streng­ina nema í til­tölu­lega lygnu veðri og lít­illi öldu­hæð. Því verði að haga segl­um eft­ir vindi þegar að lagn­ing­unni kem­ur. Flutn­ings­geta raf­orku til Vest­manna­eyja eykst veru­lega með til­komu strengj­anna tveggja, en hvor streng­ur ber 60 MVA sem stend­ur fyr­ir mega­volt am­per, en í sam­hengi við spenni vís­ar MVA til nafn­getu spenn­is­ins. Það gef­ur til kynna það há­marks­afl sem spenn­ir­inn þolir án þess að of­hitna eða skemm­ast.

Haf­ist verður handa við lagn­ingu strengj­anna frá Land­eyja­höfn, en að því verki loknu verða streng­irn­ir tengd­ir við tengi­virki bæði í landi og í Eyj­um. Áætlað er að lagn­ingu raf­strengj­anna ljúki um miðjan júlí nk. en gert er ráð fyr­ir verklok­um um mánaðamót­in ág­úst-sept­em­ber, segir í umfjöllun Morgunblaðsins.

Óskar Pétur Friðriksson, ljósmyndari Eyjafrétta fylgdist með verkefninu í gegnum linsuna.