Héraðsdóm­ur Suður­lands hef­ur sak­fellt Berg­vin Odds­son, fyrr­ver­andi formann Blindra­fé­lags Íslands, fyr­ir kyn­ferðis­lega áreitni gegn þrem­ur kon­um.

Brot­in áttu sér stað 7. júlí 2020, 1. júní 2021 og 20. júní 2022. Þau voru öll fram­in í Vest­manna­eyj­um. Berg­vin var dæmd­ur í sjö mánaða skil­orðsbundið fang­elsi.

Í fyrsta brotinu var Bergvini gefið að sök að strjúka konu utanklæða um brjóst og rass um nótt í herbergi á hosteli. Annar ákæruliðurinn varðaði brot sem át sér stað á ótilgreindum veitingastað þar sem honum var gefið að sök að strjúka konu um læri, og síðan slá hana að minnst kosti einu sinni í rassinn. Í þriðja málinu var hann ákærður fyrir að hafa strokið konu um rass utanklæða og síðan um kynfæri hennar innanklæða inni á salerni á sama veitingastað.

Eins og áður segir hlaut Bergvin sjö mánaða skilorðsbundinn fangelsisdóm. Þá er honum gert að greiða konunum þremur miskabætur. Í fyrsta lagi 350 þúsund krónur, öðru lagi 500 þúsund krónur, og í þriðja lagi eina milljón króna. Þá er honum gert að greiða sakarkostnað málsins sem hleypur á rúmum fjórum milljónum króna.

Dóminn má lesa hér.