Mótin okkar eru sett upp alveg eins nema að á TM-mótinu erum við með hæfileikakeppni og á Orkumótinu er tilkomumikil skrúðganga. Að öðru leyti erum við að keyra á sama prógramminu. Sömu skemmtikraftar og sama umgjörð,“ segir Sigríður Inga Kristmannsdóttir, íþróttafulltrúi ÍBV sem hefur haft yfirumsjón með knattspyrnumótum ÍBV – Íþróttafélags og akademíum frá 2017. Kom fyrst að mótunum árið 2016. „Þegar ég var ráðin 2017 var það gert til að samræma mótin. Sama leikjafyrirkomulag var á báðum mótunum en við fórum í að samræma alla dagskrá og fyrirkomulag. Þannig hefur það verið síðustu fjögur til fimm ár. Sömu skemmtikraftar og sömu tímasetningar. Það gerir líka allt auðveldara þegar haldin eru mót með svo stuttu millibili. Vera með þetta alveg eins svo maður ruglist ekki,“ segir Sigríður Inga og hlær. Viðurkennir líka að hún hafi ruglast á tímasetningu. „Ég ruglaðist á mótum en það reddaðist.“ Í sumar voru 112 lið á TM mótinu og 108 á Orkumótinu. „Það eru níu til tíu í hverju liði þannig að þetta eru á milli 1100 og 1200 þátttakendur með þjálfurum. Misjafnt milli móta hvað margir fylgja hverju barni og mun fleiri fylgja strákunum. Örugglega vegna þess að þeir eru yngri og fólk er frekar komið í sumarfrí þegar Orkumótið er haldið í lok júní,“ segir Sig-ríður Inga og bendir á að TM mótið er fyrir fimmta flokk stúlkna, 11 og 12 ára en Orkumótið fyrir sjötta f lokk drengja sem eru 9 og 10 ára.

Foreldrar til fyrirmyndar

„Þær eru eldri, sjálfstæðari og þroskaðri en foreldrum sem koma með krökkunum hefur fjölgað alveg ótrúlega mikið. Líka koma afar og ömmur. Þetta er mikið mál því hjá fjöl-skyldum með fleiri en eitt barn á þessum aldri eru nokkur mót vítt og breytt um landið á hverju sumri.“ Langflestir foreldrar eru jákvæðir, ánægðir og til fyrirmyndar en Sigríður Inga kannast við sumir þeirra fari fram úr sér í leikjum. „Ég heyri það ekki sjálf en fólk er að tala um dónalega foreldra. Ég er ekki mikið á úti á velli. Rölti á milli valla en hef ekki heyrt neitt ósæmilegt. Ef það gerðist myndi ég strax skipta mér af. Á Orkumótinu sérðu meiri pabbastemningu, – peyinn minn á að upplifa minn draum. Vera bestur. Það er öðruvísi stemning finnst mér en foreldrar eru almennt til fyrirmyndar. Ekkert út á þá að setja og gaman að fólk fylgi börnunum sínum. Við og bæjarfélagið græðum á að fá sem flesta í bæinn

Breyttir tímar – Breytt mót

Mótin hafa breyst, viðburðum á vegum félagsins fækkað, betri samgöngur og þátttaka for-eldra er meiri. „Samfélagið hefur breyst rosalega mikið og allt aðrar kröfur í dag. Mikið var um að vera fyrir fullorðna fólkið sem var svo bannað í kófinu. Við fundum að þetta var ekki nauðsynlegt. Það er næg afþreying í bænum og við þurfum ekki að vera með dagskrá fyrir fullorðna fólkið. Við ákváðum að einbeita okkur frekar að börnunum. Tókum líka út alla fararstjórafundi, skipulagið okkar er það gott að þeir eru ekki nauðsynlegir. Ef fólk vill ræða eitthvað er því velkomið að koma og ræða við okkur eða senda tölvupóst. Þurfi ég að koma einhverju á framfæri er best að senda tölvupóst. Við erum líka á Facebook og með heima-síðu. Þetta rúllar alveg og er miklu þægilegra fyrir alla.“ Sérstaða mótanna í Vestmannaeyjum er að upplifunin er miklu meiri, að koma hingað með ferju, gista í skóla með vinkonum og vinum. Er eins og að fara erlendis að keppa en ekki að keyra úr Garðabænum í Fossvoginn. Þetta er eins og heimsmeistaramót. „Þar búum við að óskaplega góðum grunni, hópi fólks sem setti þetta á laggirnar og kannski kvíðavaldur að bregðast því ekki. Viljum hafa allt á hreinu þegar þau koma á svæðið. Það gera þau alltaf til að athuga hvort ekki sé allt í lagi. Viljum gera þau stolt og ég held að okkur takist það,“ segir Sigríður Inga að lokum.