Spá Arsenal sigri gegn evrópumeisturum Liverpool

Í vetur ætla Eyjafréttir að fylgjast aðeins með enska boltanum enda áhugi Eyjamanna mikill fyrir leikjum liða í Englandi.  Tvær umferðir eru nú búnar í efstu deildinni og lýtur út fyrir spennandi vetur.  Flestir telja að baráttan um titilinn verði fyrst og fremst hjá þeim liðum sem skipuðu efstu tvö sætin í vor, þ.e.a.s. englandsmeistara Man City og evrópumeistara Liverpool.  Baráttan um næstu tvö sæti sem gefa meistaradeildarsæti verða svo líklega á milli Chelsea, Man Utd, Arsenal og Tottenham.  Svo eru alltaf einhver lið sem koma á óvart og gera atlögu að þessum liðum.

Við ætlum að vera með þátt á föstudögum þar sem við fáum áhugamann eða konu um enska boltann til að tippa á leiki umferðarinnar gegn Agli Arngrímssyni frá Eyjafréttum.  Nú ríður á vaðið Daníel Geir Moritz.  Daníel hefur lengi verið áhugamaður um boltann og m.a. komið að vefsíðunni fotbolti.net.  Daníel er stuðningsmaður Arsenal og bindur vonir við að liðið komi sterkt til leiks eftir að hafa látið til sín taka á markaðnum í sumar.  Sjálfur mun hann þó verða á Skaganum um helgina þar sem hann fylgist með ÍBV spila gegn Skagamönnum og taka vonandi öll þrjú stigin með sér heim til Eyja.

Spá Egils:
A. Villa – Everton 0-0
Norwich – Chelsea 1-2
Brighton – Southampton 2-0
Man utd. – C. Palace 3-0
Sheff Utd. – Leicester 2-2
Watford – West Ham 1-2
Liverpool – Arsenal 1-2
Bournemouth v Man City 1-4
Tottenham v Newcastle 2-0
Wolves v Burnley 1-1

Spá Daníels:

A. Villa vs. Everton 1-2
Gylfi byrjar markatímabil sitt þarna og Villamenn halda áfram að tapa.

Norwich v Chelsea 1-3
Skítfuglarnir ná inn marki og er aldrei að vita nema það verði finnskt. Aftur á móti ná Chelsea menn sínum fyrsta sigri. 

Brighton v Souton 3-0
Brighton verður spútnikliðið í ár og Guffi mágur mun ekki brosa yfir þessum úrslitum. 

Man Utd v C. Palace 3-0
Harry Maguire skorar sitt fyrsta mark fyrir United og Zaha verður ólíkur sjálfum sér.

Sheff Utd v Leicester 0-2
Maddisson og Vardy munu fara á kostum í þessum leik og klúðra fullt af færum en vinna leikinn.

Watford v West Ham 2-1
Watford verður fyrst til að reka stjórann sinn í vetur en hann fær gálgafrest gegn lánlausum Hömrum. Þetta er þó ekki óskhyggja. 

Liverpool v Arsenal 1-3
Það er komið að breytingum hjá Arsenal í þessum stórleikjum og hefur varnarleikur Liverpool farið titrandi af stað. Pepe skorar sitt fyrsta mark í enska boltanum.

Bournemouth v Man City 1-2
City er ekki með sömu vörn og í fyrra en vinna samt.

Tottenham v Newcastle 4-0
Ætla ekki að eyða mörgum orðum í Tottenham en Newcastle er með lélegasta stjóra deildarinnar og tapar örugglega.

Wolves v Burnley 4-0
Burnley lendir á vegg og Jota mun algerlega fara kostum. 

 

 

Nýjustu fréttir

Stjórnmál
Spurt og svarað: Erlingur frá Eyjalistanum
Íþróttir
Sandra náði áfanga með íslenska landsliðinu
Sjávarútvegur
Með fullfermi eftir örstutta túra
Fréttir
Friðrik Dór mætir á Þjóðhátíð
Fréttaskýring
Vestmannaeyjar í gegnum linsu liðins tíma
Aðsent
40 ára aldursmunur á vinningshöfum
Aðsend grein
Hvert viljum við stefna?
Stjórnmál
Margrét Rós: „Ég er hvorki í fýlu né lít á mig sem tapara“
Mest lesið

Góð ráð fyrir siglingu

Sjóveiki

Hvað er sjóveiki?

Sjóveiki er misræmi milli skynfæra líkamans sem senda boð til heilans um hreyfingu – kyrrstöðu.

Þegar einstaklingur er úti á sjó þá nema skynjarar í vökvafylltum gangi í innra eyra hreyfingu og senda boð til heilans að einstaklingur sé á hreyfingu. Augun senda hins vegar boð til heilans um að viðkomandi sé kyrr. Heilinn á erfitt með að vinna úr þessum misvísandi og ósamræmdu upplýsingum og sendir skilaboð til magans um að tæma sig – þ.e. veldur uppköstum.

Einkenni sjóveiki eru þreyta, ógleði, svimi, svitakóf og uppköst.

Góð ráð til að hindra sjóveiki:

  • Góð hvíld daginn fyrir brottför. Að fara seint að sofa og snemma um borð í bát fer ekki vel saman ef fólk er hætt við sjóveiki.
  • Forðist áfenga drykki daginn fyrir brottför
  • Forðist djúpsteiktan, brasaðan eða saltan mat daginn fyrir siglingu.
  • Borðið góðan morgunverð. Borðið gjarnan hvítt brauð, hafragraut og ávexti þó ekki sítrus ávexti.
  • Forðist mikið koffein. Mikið kaffi er ekki það sem maganum líkar fyrir sjóferð.
  • Hafðu mat með þér á sjó. Gott er að hafa samlokur með kjúklingi eða kalkún. Kjötið er fitusnautt og brauðið er róandi í maga. Hafðu endilega eitthvað til að grípa í sem er létt í maga. Bananar eru mjög góðir til að narta í ef þú finnur fyrir ógleði en einnig er gott að hafa létt kex eða annað sem er ekki salt eða fitumikið.
  • Drekkið vel af vatni en einnig er gott er að drekka kóla drykki eða engiferöl í sjóferðinni

Lyf við sjóveiki þ.e. lyf sem slá á einkennin og fást án lyfseðils í apóteki.

  • Koffínátín – fæst án lyfseðils
  • Postafen – fæst án lyfseðils
  • Scopolamin plástur – lyfseðilsskyltEinnig má fá armbönd gegn ferðaveiki sem sumir telja að hjálpi.

Önnur ráð:

  • Engifer er jurt sem nýlega hefur fengið aukna athygli vegna þess að því er haldið fram að hún geti slegið á ógleði sem fylgir sjóveiki. Til forna tuggðu kínverskir sjómenn engiferrót til að draga úr sjóveiki. Flest lyf sem virka á ógleði verka á heilann en engifer virkar aðeins á magann. Ráðlagt er að taka 1000 mg. hylki hálftíma fyrir brottför. Einnig má taka eitt eða tvö 500 mg. hylki sem eru til viðbótar á ferðalaginu. Ekki er ráðlagt að drekka coke með engifertöflum.
  • Piparminta og te eru einnig gömul húsráð við ferðaveiki.
  • Sumum finnst betra að taka sýrujafnandi töflur, Alminox eða slíkt áður en þú heldur á sjó og þá er gott að hafa box með út á sjó.

Hvar í skipinu er best að vera o.fl.

  • Minna finnst fyrir hreyfingu og veltingi ef maður er staddur næst miðju bátsins.
  • Mörgum finnst gott að vera í kulda, t.d.að vera úti á dekki og láta vindinn leika um sig.
  • Matarlykt fer illa í þá sem hætt er við sjóveiki og einnig pústið frá bátnum.

Þungun:

Þungaðar konur sem þjást af sjóveiki mega nota koffinátín í litlum skömmtum en best er að ráðfæra sig við lækni eða lyfjafræðing.
Þunguðum konum er ekki ráðlagt að nota engifer þar sem það er ekki staðfest hvort það geti haft skaðleg áhrif á fóstur.

Eyjafréttir
Keyrt af  GDPR Cookie Compliance
Friðhelgisyfirlýsing

Þessi vefsíða notar fótspor til að við getum veitt þér bestu notendaupplifun. Upplýsingar um fótspor eru geymdar í vafranum þínum og framkvæma aðgerðir eins og að þekkja þig þegar þú kemur aftur á vefsíðu okkar og hjálpa teymi okkar að skilja hvaða hluta vefsíðunnar þér finnst áhugaverðast og gagnlegast.