Landhelgisgæslan, Umhverfisstofnun, Samgöngustofa og Vestmannaeyjahöfn verða með sameiginlega mengunarvarnaæfingu þar sem varðskipið Þór, Lóðsinn, Friðrik Jesson og björgunarbáturinn Þór verða að störfum

Æfingin fer bæði fram innan hafnar og austan við Vestmannaeyjar. Umhverfisstofnun hefur haft yfirumsjón með skipulagningu æfingarinnar sem er huti af árlegri æfingaáætlun Landhelgisgæslunnar, Samgöngustofu og Umhverfisstofnunar. Reiknað er með því að æfingin hefjist um kl. 11:30 og verði fram eftir degi þann 2. júní. Umferð um Nausthamarsbryggju verður takmörkuð og þeir sem vilja fylgjast með er bent á að fara annað hvort austur á nýja hraun eða á Kleifarbryggju.

Þessi æfing er liður í því að þjálfa starfsmenn hafnarinnar í að nýta búnaðinn sem hér er og æfa sameiginlegt viðbragð allra viðbragðsaðila ef upp kemur stórt mengunaróhapp við Vestmannaeyjar.

Dóra Björk

Hafnarstjóri Vestmannaeyjahafnar