Gaman er að gera daginn að fjölskyldudegi þar sem allir – mamma, pabbi, amma, afi, og krakkarnir – sameinast um að gera Heimaey enn fallegri.

Mæting er á Stakkagerðistún kl. 11.00 þar sem pokum og plokktöngum (fyrir fyrstu sem koma) verður úthlutað. Klukkan 12:30 verður svo grillveisla í boði Bæjarstjórnar Vestmannaeyjabæjar á sama stað.

Einnig er skorað á íbúa og fyrirtæki að þeir hreinsi lóðir sínar og nærumhveri og nærumhverfi. Þannig gerum við í sameiningu bæinn okkar hreinan og fagran fyrir sumarið.

Á heimasíðu Vestmannaeyjabæjar koma fram helstu trixin í plokkbókinni:

• Finna sér svæði til að plokka á og hvetja fjölskylduna til að taka þátt. Búa jafnvel til viðburð með góðum hópi.
• Gott er að vera með ruslapoka, hanska, plokktöng og bakpoka undir aukapoka.
• Klæða sig eftir aðstæðum.
• Koma afrakstrinum á viðeigandi stofnun.
• Senda tölvupóst á sveitarfélagið sitt og láta sækja ef magnið er mikið.
• Gæta fyllstu varúðar og brýna fyrir börnum að láta nálar og aðra hættulega hluti vera, en tilkynna til foreldra eða umsjónarmanna svo mögulegt sé að fjarlægja þá.
• Vera í góðu skapi og helst með einhverjum skemmtilegum.