Kvennalið ÍBV tapaði í dag gegn toppliði FHL í Lengjudeildinni. Leikið var fyrir austan. ÍBV lenti undir strax á fimmtu mínútu og þannig stóðu leikar í leikhléi. Fljótlega í síðari hálfleik bætti FHL við tveimur mörkum áður en Ágústa María Valtýsdóttir minnkaði muninn fyrir ÍBV á 70. mínútu. Á 81. mínútu bætti Emma Hawkins við fjórða marki FHL og Samantha Rose Smith innsiglaði svo sigurinn með marki á lokamínutum leiksins.

Emma Hawkins gerði þrennu í leiknum fyrir FHL, en liðið er með afgerandi forystu í deildinni. Eru með 37 stig en næsta lið á eftir þeim er Grótta með 25 stig. Eyjaliðið er í fjórða sætinu með 22 stig. Næsti leikur ÍBV er gegn Fram á heimavelli nk. fimmtudag.