Þrjú lið frá ÍBV í handbolta munu spila í bikarúrslitum Powerade bikarsins um helgina. Þau munu öll keppa við Val og fara leikirnir fram á Ásvöllum í Hafnarfirði.

Þriðji flokkur kvenna tryggði sér sæti í bikarúrslitum á sunnudaginn þegar þær unnu Gróttu í Eyjum, 39-33, eftir að hafa verið yfir í hálfleik, 22-14. 

Þriðji flokkur karla vann Aftureldingu í Eyjum, í undanúrslitum, með sex mörkum, 35-29 eftir að hafa verið yfir 13-12 í hálfleik. 

Fjórði flokkur kvenna vann Hauka í Eyjum með fimm mörkum, 22-17. Staðan í hálfleik var 9-8 fyrir ÍBV.

Leiktímana má sjá hér að neðan:

4. fl. kvk föstudaginn kl. 18:00.

3. fl. kvk sunnudaginn kl. 14:00

3. fl. kk sunnudaginn kl. 16:30