Eyjamaðurinn Tómas Bent Magnússon hefur skrifað undir þriggja ára samning við ÍBV og mun hann því leika með liðinu út leiktímabilið 2025. Þetta kemur fram í tilkynningu frá félaginu. Tómas er 20 ára miðjumaður sem er þó mjög fjölhæfur og getur leikið fleiri stöður á vellinum.
Tómas lék 14 leiki með ÍBV og KFS á leiktímabilinu 2022 og skoraði þar tvö mörk. Hann hefur alla tíð leikið í Vestmannaeyjum en þá á hann samtals 40 leiki fyrir ÍBV í deild og 12 leiki fyrir KFS í deild auk þeirra á hann samanlagt níu leiki í bikarkeppnum fyrir liðin.
Hann lék 20 leiki fyrir ÍBV er liðið vann sér sæti í Bestu deildinni árið 2021 og skoraði þar gott mark í endurkomusigri á Grindavík.
