Tónleikar Karlakórsins - Allir lögðust á eitt og útkoman frábær

Það verður aldrei sagt um tónleika Karlakórs Vestmannaeyja í Höllinni í gærkvöldi að þeir hafi farið út í veður og vind sem var yfirskrift tóneikanna. Vel var mætt og kallarnir í miklu stuði studdir af Kytti Kovács, frábærum undirleikara og stjörnuhljómsveit. Þórhallur Barðason, stjórnandi lék við hvurn sinn fingur og Ágúst Halldórsson fór óhefðbundnar leiðir sem kynnir. Útkoman, skemmtilegir tónleikar þar sem tónlistarfólk og gestir mynduðu eina heild.

 

Þórhallur á þakkir skildar fyrir gott starf með Karlakórnum sem er og verður vonandi sem lengst sannur gleðigjafi í annars fjölbreytt menningarlíf Vestmannaeyja. Það var farið út um víðan völl í lagavali en það var tvennt sem stóð upp úr, lög Sæþórs Vídó Bæjaróður  og Beddi og syrpa með lögum Bjartmars Guðlaugssonar.

Bæjaróður er ljúfur óður til Vestmannaeyja þar sem Sæþór á líka textann. Fetar hann í fótspor afa síns, Núma Þorbergssonar sem samdi texta við þekkt dægurlög um og eftir miðja síðustu öld. Ekki er síðra lagið við texta Snorra Jónssonar um hann Bedda, Bergvin Oddsson oftast var kenndur við Glófaxa VE. Einstakur maður sem mun lengi lifa í minningunni. Í laginum um Bedda Sæþór settist við flygilinn og söng og var vel fagnað.

Bjartmar er og verður einn af sonum Vestmannaeyja og því verðum við að halda á lofti. Ekki bara frábær lagahöfundur heldur eitt okkar besta ljóðskáld sem nær að spegla samtímann öðrum betur. Dæmi um það eru Týnda kynslóðin og Fúll á móti.

Hljómsveitin er ekki af verri endanum, Birgir Nielsen, trommari, flestum öruggari, Seyðfirðingurinn Magnús R. Einarsson sem er á góðri leið með að verða Eyjamaður fór fimum fingrum um gítarinn, Þórir Rúnar Geirsson sem framkallar gæsahúð með frábærum leik á bassann og síðast en ekki sístur er Þórir Ólafsson, hljómborðsleikari  sem hefur verið kjölfesta í tónlistarlífi Eyjanna undanfarin ár.

Stjarna fæddist þegar Andri Hugo Runólfsson steig fram og söng með kórnum, Loksins ég fann þig og var vel fagnað.

Tónleikarnir voru skemmtun sem stóð undir nafni og mikið getum við Eyjamenn verið þakklát fyrir að eiga þetta frábæra tónlistarfólk sem gerir falleg sumarkvöld ennþá bjartari. Þar er hún Kitty ofarlega á blaði ef ekki efst.

Ómar Garðarsson.

Nýjustu fréttir

Íþróttir
Laskað lið ÍBV tapaði gegn Val
Aðsent
Athugasemd
Stjórnmál
Dísa leiðir Eyjalistann
Fréttir
Kvenfélagið Líkn færði HSU veglega gjöf
Vinnslustöðin
Loðnan tengir saman Vestmannaeyjar og Japan
Úr blaði Eyjafrétta
Listir og menning í Framhaldsskóla Vestmannaeyja
Fréttaskýring
Lestur ársreiknings bæjarins gefur allt aðra mynd
Áhugavert
Ísólfur Gylfi – 42 ár frá Helliseyjarslysinu
Mest lesið

Góð ráð fyrir siglingu

Sjóveiki

Hvað er sjóveiki?

Sjóveiki er misræmi milli skynfæra líkamans sem senda boð til heilans um hreyfingu – kyrrstöðu.

Þegar einstaklingur er úti á sjó þá nema skynjarar í vökvafylltum gangi í innra eyra hreyfingu og senda boð til heilans að einstaklingur sé á hreyfingu. Augun senda hins vegar boð til heilans um að viðkomandi sé kyrr. Heilinn á erfitt með að vinna úr þessum misvísandi og ósamræmdu upplýsingum og sendir skilaboð til magans um að tæma sig – þ.e. veldur uppköstum.

Einkenni sjóveiki eru þreyta, ógleði, svimi, svitakóf og uppköst.

Góð ráð til að hindra sjóveiki:

  • Góð hvíld daginn fyrir brottför. Að fara seint að sofa og snemma um borð í bát fer ekki vel saman ef fólk er hætt við sjóveiki.
  • Forðist áfenga drykki daginn fyrir brottför
  • Forðist djúpsteiktan, brasaðan eða saltan mat daginn fyrir siglingu.
  • Borðið góðan morgunverð. Borðið gjarnan hvítt brauð, hafragraut og ávexti þó ekki sítrus ávexti.
  • Forðist mikið koffein. Mikið kaffi er ekki það sem maganum líkar fyrir sjóferð.
  • Hafðu mat með þér á sjó. Gott er að hafa samlokur með kjúklingi eða kalkún. Kjötið er fitusnautt og brauðið er róandi í maga. Hafðu endilega eitthvað til að grípa í sem er létt í maga. Bananar eru mjög góðir til að narta í ef þú finnur fyrir ógleði en einnig er gott að hafa létt kex eða annað sem er ekki salt eða fitumikið.
  • Drekkið vel af vatni en einnig er gott er að drekka kóla drykki eða engiferöl í sjóferðinni

Lyf við sjóveiki þ.e. lyf sem slá á einkennin og fást án lyfseðils í apóteki.

  • Koffínátín – fæst án lyfseðils
  • Postafen – fæst án lyfseðils
  • Scopolamin plástur – lyfseðilsskyltEinnig má fá armbönd gegn ferðaveiki sem sumir telja að hjálpi.

Önnur ráð:

  • Engifer er jurt sem nýlega hefur fengið aukna athygli vegna þess að því er haldið fram að hún geti slegið á ógleði sem fylgir sjóveiki. Til forna tuggðu kínverskir sjómenn engiferrót til að draga úr sjóveiki. Flest lyf sem virka á ógleði verka á heilann en engifer virkar aðeins á magann. Ráðlagt er að taka 1000 mg. hylki hálftíma fyrir brottför. Einnig má taka eitt eða tvö 500 mg. hylki sem eru til viðbótar á ferðalaginu. Ekki er ráðlagt að drekka coke með engifertöflum.
  • Piparminta og te eru einnig gömul húsráð við ferðaveiki.
  • Sumum finnst betra að taka sýrujafnandi töflur, Alminox eða slíkt áður en þú heldur á sjó og þá er gott að hafa box með út á sjó.

Hvar í skipinu er best að vera o.fl.

  • Minna finnst fyrir hreyfingu og veltingi ef maður er staddur næst miðju bátsins.
  • Mörgum finnst gott að vera í kulda, t.d.að vera úti á dekki og láta vindinn leika um sig.
  • Matarlykt fer illa í þá sem hætt er við sjóveiki og einnig pústið frá bátnum.

Þungun:

Þungaðar konur sem þjást af sjóveiki mega nota koffinátín í litlum skömmtum en best er að ráðfæra sig við lækni eða lyfjafræðing.
Þunguðum konum er ekki ráðlagt að nota engifer þar sem það er ekki staðfest hvort það geti haft skaðleg áhrif á fóstur.

Eyjafréttir
Keyrt af  GDPR Cookie Compliance
Friðhelgisyfirlýsing

Þessi vefsíða notar fótspor til að við getum veitt þér bestu notendaupplifun. Upplýsingar um fótspor eru geymdar í vafranum þínum og framkvæma aðgerðir eins og að þekkja þig þegar þú kemur aftur á vefsíðu okkar og hjálpa teymi okkar að skilja hvaða hluta vefsíðunnar þér finnst áhugaverðast og gagnlegast.