Liðið Sokol Pisek, frá Tékklandi, kemur til Eyja um helgina og spila tvo leiki gegn ÍBV stelpunum í 16 liða úrslitum EHF European Cup. ÍBV hefur til þessa unnið tvö grísk félagslið á leið sinni í keppninni. Fyrst lágu leikmenn PAOK í valnum eftir tvo leiki sem báðir fór fram í Þessalóníku. Í nóvember sló ÍBV Panorama í 32-liða úrslitum í tveimur leikjum sem háðir voru í Vestmannaeyjum.
Miðasala fer fram á miðasöluappinu Stubbur. Miðinn fyrir fullorðna kostar 2.000 kr.- á leik en svo er hægt að kaupa helgarpassa (2 leikir) á 3.000 kr.-. Barnamiði kostar 500 kr.-.
ATH, hraðprófsskylda eins og áður.
Leikirnir verða á laugardag kl.15:00 og sunnudag kl.13:00.
Fyrir þá sem ekki eiga heimangengt er hægt að fylgjast með leikjunum í beinni útsendingu á ÍBVTV!
