- Eyjafréttir
- ·
- Íþróttir
- ·
Úrslitin ráðast á toppnum í dag
Lokaumferð Lengjudeildar karla fer fram í dag. Spennan er mikil fyrir leiki dagsins, en ÍBV er í bestu stöðunni að tryggja sér sæti í deild þeirra bestu að ári. Liðið trónir á toppi deildarinnar með 38 stig. Fjölnir er með stigi minna og á líka möguleika að sigra deildina, en þurfa að stóla á að ÍBV tapi stigum.
Eyjamenn eiga útileik gegn Leikni Reykjavík á meðan Fjölnir fer til Keflavíkur, en Keflvíkingar eru í þriðja sæti deildarinnar með 35 stig. Allir leikir dagsins í deildinni hefjast klukkan 14.00. Farin verður hópferð á leikinn í Reykjavík í boði Herjólfs og Ísfélagsins og má búast við að Eyjamenn fjölmenni á völlinn.
Til stendur að hittast á “Álfurinn Hólagarði“ fyrir leik, hita upp og mynda alvöru stemmingu áður en stúkan verður máluð hvít, segir í tilkynningu frá knattspyrnudeild ÍBV sem hvetur stuðningsmenn til að muna eftir góða skapinu. ,,Mætum öll í hvítu og gerum þetta að besta leik sumarsins,” segir í tilkynningunni.
