- Eyjafréttir
- ·
- Fréttir
- ·
Valur sigraði ÍBV
Valur og ÍBV mættust í Deildarbikarnum í dag eða Flugfélags Íslands bikarnum þar sem Valur sigraði með þriggja marka mun 30-27. Valur byrjaði leikinn mun betur og eftir sautján mínútna leik var staðan 9-2 fyrir Val. �?á tóku leikmenn ÍBV við sér og skoruðu næstu átta mörk frá ÍBV en Valur náði ekki að koma boltanum í netið í ellefu mínútur og staðan orðin 9-10 fyrir ÍBV. Eftir kaflaskiptan fyrri hálfleik var staðan í hálfleik 11-11.
Síðari hálfleikur var líkt og sá fyrri, kaflaskiptur. ÍBV náði mest tveggja marka forskoti á 39. mínútu en þá tóku Valskonur aftur öll völd og skoruðu næstu sex mörk og náðu þar með fjögurra marka forskoti og héldu þær forskotinu það sem eftir lifði leiksins.
Mest fór munurinn upp í sex mörk en Eyjakonum tókst aðeins að klóra í bakkann og minnka muninn áður en leiknum lauk. Lokatölur 30-27.
Mörk ÍBV skoruðu þær; Díana Dögg Magnusdóttir 9, Vera Lopes 6, Ester �?skarsdóttir 5, Kristrún �?sk Hlynsdóttir 2, Telma Silva Amado 2, Greta Kavaliuskaite 2 og Sirrý Rúnarsdóttir 1
Erla Rós Sigmarsdóttir varði 13 skot í marki ÍBV.
