Á fimmtudag bauð Íris Róbertsdóttir, bæjarstjóri, starfsfólki sem látið hefur af störfum á árinu til samverustundar í Eldheimum. Þar færði Íris þeim lítinn þakklætisvott fyrir framlag þeirra til Vestmannaeyjabæjar á starfsævinni og minntist hvers og eins með nokkrum orðum.

Alls sjö einstaklingar létu af störfum vegna aldurs á þessu ári. Þeir eru Aðalheiður Sveinsdóttir Waage, Allan F. Alison, Einar Steingrímsson, Ingunn Elín Hróbjartsdóttir, Linda Sigurlássdóttir, Ólafur Lárusson og Sveinn Rúnar Valgeirsson.

Óskar Pétur Friðriksson tók meðfylgjandi myndir