Meistaraflokkur ÍBV tók sér tíma frá æfingum í gær, fimmtudag, til þess að leggja baráttunni gegn kynferðisofbeldi lið. Liðið stillti sér upp ásamt þjálfurum sínum til myndatöku í bolum Forvarnahóps ÍBV en hópurinn stendur fyrir átaki gegn kynferðislegu ofbeldi á Þjóðhátíð 2012. Vill meistaraflokkur ÍBV þannig leggja áherslu á að slíkt ofbeldi verður ekki liðið, hvorki á hátíðinni, innan raða íþróttahreyfingarinnar né í samfélaginu.