Auk þess var farið yfir hlutverk stýrihópsins en það er að gefa álit, leggja fram tillögur og ræða hugmyndir, en það er svo á ábyrgð skólastjórnenda að skipuleggja innra starf skólans. Forsendur sem stýrihópurinn vinnur eftir eru m.a. að enginn á að missa vinnu, þjónusta við nemendur verður aukin við aldursskiptinguna, reynt verður að framkvæma breytingar þannig að minnst röskun verði fyrir nemendur og aðrir starfsmenn fá að fylgjast með og vera með í ráðum.

�?á kom fram á fundinum að farið verður í framkvæmdir við Barnaskóla í vor vegna lyftu en engin lyfta er í húsinu. Talið er að það þurfi tvær lyftur en ekki er búið að ákveða hvort báðar verði reistar strax eða hvort byrjað verði á annarri lyftunni. �?á er nauðsynlegt að fara í frekari framkvæmdir á skólahúsunum, m.a. að koma fyrir eldunaraðstöðu. �?á þarf hugsanlega að bæta aðgengi að Hamarsskóla þegar verið er að keyra nemendur í skóla.