Það er ýmislegt sem Marinó Sigursteinsson pípulagningameistari hefur tekið sér fyrir hendur samfélaginu í Vestmannaeyjum til framdráttar. Nýjasta uppátæki hans á sér þónokkuð langa og áhugaverða sögu. „Það var nú bara þannig að ég rakst á þennan grip fyrir algera tilviljun. Ég var á hreindýraveiðum með Gauja á Látrum fyrir um 20 árum síðan. Við duttum inn á Vopnafjörð, stoppuðum þar og þá sá ég svo fallegan bát niðri í fjöru. Ég ákvað að skoða hann betur og þar sem ég stend niðri í fjöru að mynda gripinn þá kemur maður að mér. Hann spyr mig frekar höstuglega „hvað ert þú að gera?“. Ég sagði honum sem