Maður kemst ekki hjá því að hugsa til þess hversu margar sendingar hafi eiginlega náð í gegn áður, fyrst þeir náðu að stoppa þessa í Fáskrúðsfirði. Eftir að hafa horft á skútur leggjast að bryggju, sumar eftir sumar, heima í Eyjum. Hvaðan æva að úr heiminum án þess að verða nokkurntímann var við að tékkað væri hvort þesir aðilar væru með eitthver óhreint mjöl í pokahorninu. Eða einhveruslags annað duft. Þá trúir maður því alveg að þessi smyglleið hafi verið stunduð um þónokkurt skeið, og ábyggilega með þræl „góðum“ árangri. Maður hugsar með skelfingu til þess hversu mörg hundruð kílóa af þessum ófögnuði hafi farið í gegnum hafnir landsins fram að þessu. Það verður jafnframt áhugavert að sjá hvort þetta „böst” skipti í raun einhverju máli. Því þótt hagkerfið sem spunnist hefur í kringum þennan óþverra sé neðan jarðar og svart, þá virkar það í grunninn eins og öll eðlileg hagkerfi. Ef það að kippa þessum rúmu 60 kílóum af markaðnum hefur einhver veruleg áhrif, þá ætti verðið að hækka.

Ef ég man rétt, þá hafa meðferðarheimil SÁÁ fylgst í gegnum tíðina með verðþróuninni í þessu svarta hagkerfi í gegnum skjólstæðinga sína. Ef upptakan á þessum efnum hefur eitthvert verulegt „impact” á fíkniefnamarkaðinn hér heima, þá ætti verðið, sérstaklega á amfetamíni (sem virðist vera megnið af því sem var gert upptækt), að rjúka upp. Spennandi að sjá hvort SÁÁ flytji okkur fréttir af hækkuð verði á amfetamíni á næstu misserum.

Við skulum nú allavega vona að markaðurinn hér sé ekki orðinn stærri enn svo að upptaka á einhverjum 50 kílóum af amfetamíni hafi sýnileg áhrif.