Eyjar og fótboltahöllin

Góðan daginn kæri lesandi. Jæja nú verð ég að tjá mig aftur endilega verið dugleg að kommenta líkt og gerðist um Bakkafjöru umræðuna. Ég hef verið á þeirri skoðun að Eyjar séu á réttri leið. Hitaveitan seld og peningar inn í bæjarfélagið þannig að hægt var að byrja greiða niður skuldir og koma bænum á réttan kjöl og byggja út frá því. Þá koma þessar fréttir að það sé búið að taka fyrstu skóflustunguna á fótboltahöll… jeminn…

Í Janúar 2006 skrifaði ég grein á öðrum stað akkúrat um þetta og reyndar kom Bakkafjara og fleira inn í þá umræðu en ég trúi því ekki að þetta sé að gerast núna.

Ég hef farið með ræðu fyrir vini mína og tengdapabba milljón sinnum og eru allir orðnir leiðir á henni en aldrei er góð vísa of oft kveðin. Það búa undir 4000 manns í Eyjum núna ( mjög margir eru skráðir í Eyjum en búa í bænum ) og það eru 5 Fótboltavellir (Malavöllur, Helgafellsvöllur, hásteinsvöllur, Týsvöllur, Þórsvöllur ( ég tel ekki malar Þórsvöllinn með ). Samt notar ÍBV sparkvellina fyrir æfingar og hendir börnum sem eru að nota hann í burtu. Það eru 4 inni Íþróttahús (2 í Sundhöll, Týsheimili og Þórsheimili). Ef að það er ekki skortur á einhverju í Eyjum þá er það aðstaða fyrir fótbolta.

Ég hef verið með kenningu um fótboltamafíu Vestmannaeyja sem er lítill en mjög hávær hópur sem heldur og vill að allt lífið í Eyjum snúist um fótbolta. Ekki halda að ég sé á móti því að stundaður sé fótbolti í Eyjum þvert á móti en það er svo margt annað sem þarf að taka á í Eyjum. Það er akkúrat þessi fótboltamafía sem er búin að koma fótboltahöllinni í gegn.

Það að byggja fótboltahöll í Eyjum er mjög vitlaust að mínu mati og þegar ég er að ræða þetta við fólk koma ótrúlegustu rök fyrir þessu. Að það sameini Eyjuna svo mikið ef að ÍBV vinnur titla. Ég held að fólk myndi fagna miklu meira ef að það kæmi öflugt fyrirtæki til Eyja sem myndi skapa atvinnu. Önnur rök eru að það þurfi góða aðstöðu til að fá krakka til að spila fótbolta í dag. Það er ótrúlegt ef að krakkar í dag geta ekki spilað á dúk í einhverjum öðrum sal (4 aðrir til), einnig væri hægt að teppaleggja einn af sölunum sem eru fyrir og það myndi kosta minna. Ein rökin og fyrirsögn í fréttum þegar greinin um skóflustunguna kom að þetta væri mikilvægur liður í samkeppninni um fólkið. Akkúrat þetta er nefnilega eitt af lykilatriðunum þegar fólk ákveður að flytja á einhvern stað, “Ég verð reyndar atvinnulaus en það er frábært að spila fótbolta þarna. “

 Ef að ÍBV væri að byggja þessa fótboltahöll og reka fyrir sína peninga myndi mér vera alveg sama en það er fáránlegt að bærinn sé að taka þátt í þessu. Það væri þá nær að styðja björgunarfélagið með tækjakaupum eða aðstöðu sem myndi hvetja ungt fólk að sækja um í björgunarfélaginu og koma Eyjunum að miklu meira gagni heldur en með því að sparka bolta. Þar til fyrir mjög stuttu var eina aðstaðan fyrir ungt fólk í félagsheimilinu mjög léleg aðstaða en það er víst verið að færa það á Rauðagerði og finnst mér þetta frábært og auðvitað á að hrósa fyrir það sem er vel gert. Vonandi að þetta efli starfsemi fyrir ungt fólk (sem vill gera annað en að sparka bolta). Einnig vill ég hrósa honum Árna Óla fyrir frábært innlegg til Eyja að byggja upp stúdíó í gamla Betel og þannig reyna að laða að tónlistarmenn til Eyja að taka upp þetta gæti bærinn líka styrkt og auglýst. Það er ekki spurning að hann á skilið Lundaorðuna.

 Það sem ég er að segja hérna að það er fótbolti í Eyjum og honum er sinnt vel. Höldum áfram að byggja upp fótboltalið á Eyjamönnum og þannig vekja áhuga á boltanum. Krakkar fara ekki í fótbolta út af því að það er svo gott að hlaupa á gervigrasi. Þau fara í hann til að hafa gaman. ÍBV hefur verið byggt upp á keyptum mönnum utan af landi og gæti liðið alveg eins notað fótboltahöllina í Hafnafirði ef að liðið fer í það far aftur. Það er nóg af tómum húsum í Eyjum nú þegar það þarf ekki að byggja eitt enn draugahúsið. Vandamálið er atvinna, atvinna og atvinna búum til umhverfi sem laðar að fyrirtæki til Eyja.

Vonandi að það komi einhver komment og að það skapist málefnaleg umræða um þetta. Ég nenni ekki að hlusta á ” Vertu bara í Reykjavík”, ” Þú varst líka alltaf lélegur í fótbolta ” og eitthvað svona bull endilega koma með rök sem réttlæta þessa byggingu. Fótboltamafía ekki grýta mig með boltum næst þegar ég kem til Eyja.

http://siggivido.blog.is

 

Nýjustu fréttir

Fréttaskýring
Þrjú álitaefni réðu úrslitum í vatnslagnarmálinu
Íþróttir
ÍBV vann Val í Goslokaleik
Myndband
Svipmyndir frá líflegum laugardegi á Goslokahátíð
Goslok
Goslok: dagskrá sunnudags
Áhugavert
Goslokahátíð stendur undir nafni sem fjölskydluhátíð
Goslok
Fjölbreytt mannlíf á öðrum degi Goslokahátíðar
Vestmannaeyjabær
Forsendur dómsins verða yfirfarnar
Menning
Þrír af okkar fremstu söngvurum syngja í Eldheimum
Mest lesið

Góð ráð fyrir siglingu

Sjóveiki

Hvað er sjóveiki?

Sjóveiki er misræmi milli skynfæra líkamans sem senda boð til heilans um hreyfingu – kyrrstöðu.

Þegar einstaklingur er úti á sjó þá nema skynjarar í vökvafylltum gangi í innra eyra hreyfingu og senda boð til heilans að einstaklingur sé á hreyfingu. Augun senda hins vegar boð til heilans um að viðkomandi sé kyrr. Heilinn á erfitt með að vinna úr þessum misvísandi og ósamræmdu upplýsingum og sendir skilaboð til magans um að tæma sig – þ.e. veldur uppköstum.

Einkenni sjóveiki eru þreyta, ógleði, svimi, svitakóf og uppköst.

Góð ráð til að hindra sjóveiki:

  • Góð hvíld daginn fyrir brottför. Að fara seint að sofa og snemma um borð í bát fer ekki vel saman ef fólk er hætt við sjóveiki.
  • Forðist áfenga drykki daginn fyrir brottför
  • Forðist djúpsteiktan, brasaðan eða saltan mat daginn fyrir siglingu.
  • Borðið góðan morgunverð. Borðið gjarnan hvítt brauð, hafragraut og ávexti þó ekki sítrus ávexti.
  • Forðist mikið koffein. Mikið kaffi er ekki það sem maganum líkar fyrir sjóferð.
  • Hafðu mat með þér á sjó. Gott er að hafa samlokur með kjúklingi eða kalkún. Kjötið er fitusnautt og brauðið er róandi í maga. Hafðu endilega eitthvað til að grípa í sem er létt í maga. Bananar eru mjög góðir til að narta í ef þú finnur fyrir ógleði en einnig er gott að hafa létt kex eða annað sem er ekki salt eða fitumikið.
  • Drekkið vel af vatni en einnig er gott er að drekka kóla drykki eða engiferöl í sjóferðinni

Lyf við sjóveiki þ.e. lyf sem slá á einkennin og fást án lyfseðils í apóteki.

  • Koffínátín – fæst án lyfseðils
  • Postafen – fæst án lyfseðils
  • Scopolamin plástur – lyfseðilsskyltEinnig má fá armbönd gegn ferðaveiki sem sumir telja að hjálpi.

Önnur ráð:

  • Engifer er jurt sem nýlega hefur fengið aukna athygli vegna þess að því er haldið fram að hún geti slegið á ógleði sem fylgir sjóveiki. Til forna tuggðu kínverskir sjómenn engiferrót til að draga úr sjóveiki. Flest lyf sem virka á ógleði verka á heilann en engifer virkar aðeins á magann. Ráðlagt er að taka 1000 mg. hylki hálftíma fyrir brottför. Einnig má taka eitt eða tvö 500 mg. hylki sem eru til viðbótar á ferðalaginu. Ekki er ráðlagt að drekka coke með engifertöflum.
  • Piparminta og te eru einnig gömul húsráð við ferðaveiki.
  • Sumum finnst betra að taka sýrujafnandi töflur, Alminox eða slíkt áður en þú heldur á sjó og þá er gott að hafa box með út á sjó.

Hvar í skipinu er best að vera o.fl.

  • Minna finnst fyrir hreyfingu og veltingi ef maður er staddur næst miðju bátsins.
  • Mörgum finnst gott að vera í kulda, t.d.að vera úti á dekki og láta vindinn leika um sig.
  • Matarlykt fer illa í þá sem hætt er við sjóveiki og einnig pústið frá bátnum.

Þungun:

Þungaðar konur sem þjást af sjóveiki mega nota koffinátín í litlum skömmtum en best er að ráðfæra sig við lækni eða lyfjafræðing.
Þunguðum konum er ekki ráðlagt að nota engifer þar sem það er ekki staðfest hvort það geti haft skaðleg áhrif á fóstur.

Eyjafréttir
Keyrt af  GDPR Cookie Compliance
Friðhelgisyfirlýsing

Þessi vefsíða notar fótspor til að við getum veitt þér bestu notendaupplifun. Upplýsingar um fótspor eru geymdar í vafranum þínum og framkvæma aðgerðir eins og að þekkja þig þegar þú kemur aftur á vefsíðu okkar og hjálpa teymi okkar að skilja hvaða hluta vefsíðunnar þér finnst áhugaverðast og gagnlegast.