Nokkrir Vestmannaeyingar eiga sumarhús í Rangárþingi. Það er hópurinn sem sækir fast að fá ferjuhöfn á Bakkafjöru.

Eyjafréttir
·
Almennt
·
21. október 2007

MEIRIHLUTI farþega Herjólfs á leið á höfuðborgarsvæðið, hugleiðum nú hver er samgöngubótin með ferjuhöfn í Bakkafjöru. Ný hraðskreið ferja á að sigla að öllu jöfnu á 2 tímum Vestm.-Þorláksh. Þaðan er hálftíma akstur til höfuðborgarsvæðisins í dag gegnum Þrengslin. Með nýjum suðurstrandarvegi þyrftu ökumenn ekki að fara fjallveg að vetri til. Ný ferja Vestm.-Bakkafjöruhöfn á að sigla á hálftíma. Þaðan er að sumarlagi 2 tíma keyrsla til höfuðborgarsvæðisins, en umtalsvert lengri tími að keyra að vetri til í misjafnri færð, þannig að fyrir meirihluta farþega Herjólfs yrði samgöngubótin sú að þú þarft að keyra í 2 tíma í staðinn fyrir að sitja í Herjólfi 2 tíma. Þeir farþegar frá Vestmannaeyjum sem ekki eru akandi á eigin bíl yrðu væntanlega að taka rútu frá Bakkafjöruhöfn til Reykjavíkur. Það rútufar mun sennilega kosta eitthvað á 4. þúsund króna hvora leið.

Nokkrir Vestmannaeyingar eiga sumarhús í Rangárþingi. Það er hópurinn sem sækir fast að fá ferjuhöfn á Bakkafjöru.

Eins og verkfræðingur Siglingastofnunar setur fram hugmyndina að hafnargerð á Bakkafjöru, dreg ég mjög í efa að þar verði einhvern tímann nothæf höfn. Til dæmis hafa engar GPS-mælingar farið fram á staðnum, til þess að rannsaka hreyfingu á fjörunni. Þær rannsóknir þyrfti þó að framkvæma í 3 til 5 ár áður en ákvörðun yrði tekin um framkvæmdir við væntanlega höfn. Verkfræðingurinn er búinn að reikna í nokkur ár og þar með að sandflutningurinn fram hjá hafnarmynninu fari út á sjó. Hann telur lítið magn af sandi fara inn á milli garðanna, en þegar brim og sandur loka fyrir bergvatnsárnar Holtsós, Affall og Skipagerðisós á einni nóttu er ég hræddur um að Bakkafjöruhöfn mundi líka fyllast af sandi. Þetta telur verkfræðingurinn ekki þörf á að rannsaka, enda ber hann líklega enga ábyrgð á sínum útreikningum frekar heldur en aðrir opinberir starfsmenn hafa gert fram að þessu og er þó líklega í uppsiglingu annar Grímseyjarferjuskandall með fyrirhugaðri hafnargerð.

Mér skilst að fara eigi af stað með framkvæmdir á næsta ári með litla höfn inni í brimgarðinum samkvæmt tillögum verkfræðings, sem segir að ekkert geri til þó að farþegaferjan taki niðri á sandrifinu og ekkert geri til þó ferjan rekist utan í hafnargarðana því þeir verði útbúnir með stuðpúðum. Hver trúir svo útreikningum eftir verkfræðinginn, sem segir slíka vitleysu og telur ekki þörf á GPS-mælingum á fjörunni til þess að vita meira um sandflutninginn þar, áður en framkvæmdir eru ákveðnar?

Höfundur er fyrrverandi skipstjóri.

Nýjustu fréttir

Myndband

Hitað upp fyrir leik ÍBV og Hauka

Stjórnmál

Spurt og svarað: Sæunn frá Miðflokknum

Fréttir

Metþátttaka í The Puffin Run í ár

Myndband

Álfsnes, kjarnaborun og höfnin

Aðsend grein

Vestmannaeyjar, eyjan okkar

Samgöngur

Dýpkun gengur hægt – betri horfur síðar í vikunni

Stjórnmál

Spurt og svarað: Arndís María frá Eyjalistanum

Fréttir

Eitt tilboð í Gjábakkakant – samið niður eftir opnun

Mest lesið

Sjóveiki

Hvað er sjóveiki?

Sjóveiki er misræmi milli skynfæra líkamans sem senda boð til heilans um hreyfingu – kyrrstöðu.

Þegar einstaklingur er úti á sjó þá nema skynjarar í vökvafylltum gangi í innra eyra hreyfingu og senda boð til heilans að einstaklingur sé á hreyfingu. Augun senda hins vegar boð til heilans um að viðkomandi sé kyrr. Heilinn á erfitt með að vinna úr þessum misvísandi og ósamræmdu upplýsingum og sendir skilaboð til magans um að tæma sig – þ.e. veldur uppköstum.

Einkenni sjóveiki eru þreyta, ógleði, svimi, svitakóf og uppköst.

Góð ráð til að hindra sjóveiki:

Góð hvíld daginn fyrir brottför. Að fara seint að sofa og snemma um borð í bát fer ekki vel saman ef fólk er hætt við sjóveiki.

Forðist áfenga drykki daginn fyrir brottför

Forðist djúpsteiktan, brasaðan eða saltan mat daginn fyrir siglingu.

Borðið góðan morgunverð. Borðið gjarnan hvítt brauð, hafragraut og ávexti þó ekki sítrus ávexti.

Forðist mikið koffein. Mikið kaffi er ekki það sem maganum líkar fyrir sjóferð.

Hafðu mat með þér á sjó. Gott er að hafa samlokur með kjúklingi eða kalkún. Kjötið er fitusnautt og brauðið er róandi í maga. Hafðu endilega eitthvað til að grípa í sem er létt í maga. Bananar eru mjög góðir til að narta í ef þú finnur fyrir ógleði en einnig er gott að hafa létt kex eða annað sem er ekki salt eða fitumikið.

Drekkið vel af vatni en einnig er gott er að drekka kóla drykki eða engiferöl í sjóferðinni

Lyf við sjóveiki þ.e. lyf sem slá á einkennin og fást án lyfseðils í apóteki.

Koffínátín – fæst án lyfseðils

Postafen – fæst án lyfseðils

Scopolamin plástur – lyfseðilsskyltEinnig má fá armbönd gegn ferðaveiki sem sumir telja að hjálpi.

Önnur ráð:

Engifer er jurt sem nýlega hefur fengið aukna athygli vegna þess að því er haldið fram að hún geti slegið á ógleði sem fylgir sjóveiki. Til forna tuggðu kínverskir sjómenn engiferrót til að draga úr sjóveiki. Flest lyf sem virka á ógleði verka á heilann en engifer virkar aðeins á magann. Ráðlagt er að taka 1000 mg. hylki hálftíma fyrir brottför. Einnig má taka eitt eða tvö 500 mg. hylki sem eru til viðbótar á ferðalaginu. Ekki er ráðlagt að drekka coke með engifertöflum.

Piparminta og te eru einnig gömul húsráð við ferðaveiki.

Sumum finnst betra að taka sýrujafnandi töflur, Alminox eða slíkt áður en þú heldur á sjó og þá er gott að hafa box með út á sjó.

Hvar í skipinu er best að vera o.fl.

Minna finnst fyrir hreyfingu og veltingi ef maður er staddur næst miðju bátsins.

Mörgum finnst gott að vera í kulda, t.d.að vera úti á dekki og láta vindinn leika um sig.

Matarlykt fer illa í þá sem hætt er við sjóveiki og einnig pústið frá bátnum.

Þungun:

Þungaðar konur sem þjást af sjóveiki mega nota koffinátín í litlum skömmtum en best er að ráðfæra sig við lækni eða lyfjafræðing.
Þunguðum konum er ekki ráðlagt að nota engifer þar sem það er ekki staðfest hvort það geti haft skaðleg áhrif á fóstur.

Nýjustu fréttir

Góð ráð fyrir siglingu

Sjóveiki