- Eyjafréttir
- ·
- Almennt
- ·
Sögulegur viðburður á sér stað um helgina, en þá kemur Eyjastuðbandið Tríkot fram með nýju sniði í fyrsta sinn á almennum dansleik og verða þeir á Lundanum alla helgina. Mannabreytingar hafa átt sér stað innan sveitarinnar en Jóhann Ágúst Tórshamar sem plokkað hefur bassann frá upphafi hefur nú yfirgefið bandið. “ Gústi er alveg frábær bassaleikari og er mikil eftirsjá í honum” segir Sæþór Vídó söngvari Tríkots. ” Við vorum lengi að finna mann í hans stað en ég held að við höfum fundið mann sem fellur eins og flís við rass inn í bandið.” Í stað Gústa mun nú taka við bassanum Jarl Sigurgeirsson ” Jarl er alveg eðal náungi og fantafínn bassaleikara og svo skemmir ekki að hann er með gullfallega tenór rödd” segir Sæþór og glottir. Þetta er þó ekki eina breytingin sem á sér stað því Þórir Ólafsson hefur nú gengið til liðs við sveitina og spilar á hljómborð. ” Þórir er náttúrulega bara snillingur og það hefur lengi staðið til að hann gengi til liðs við okkur. Okkur fannst bara alveg tilvalið að hann gerði það núna þar sem við vorum að breyta á annað borð. Unnþór og Eddi eru svo náttúrulega á sínum stað ásamt gleðinni sem hefur einkennt bandiðog hefur frekar bætt í hana en hitt. Þannig að helgin á Lundanum, sem hefur verið okkar heimavöllur, er eitthvað sem enginn ætti að láta fram hjá sér fara “, sagði Sæþór að lokum að sagiðist lofa gífulegri gleði um helgina.
