Magnús Kristinsson, athafnamaður og stjórnarformaður Toyota á Íslandi, hefur keypt rafgeymafyrirtækið Skorra sem áður var í eigu Arnar Johnsen.

Fram kemur í tilkynningu að Örn hafi stofnað fyrirtækið árið 1978 og starfrækti þá bæði rafgeymasölu og ofnaverksmiðju að Ármúla 28

Árið 1985 var fyrirtækið flutt að Laugavegi 180 og ofnaframleiðslan lögð niður. Það flutti svo upp á Bíldshöfða árið 1988.

Skorri selur rafgeyma en einnig sólarrafhlöður og ýmiss konar annan búnað fyrir sumarhús, hjólhýsi og fellihýsi sem ekki eru tengd við rafmagnsnet landsmanna.