Gústi hefur leikið mjög vel á miðjunni með uppeldisfélagi sínu, FC Villa í deildarkeppninni til þessa. Íþróttafréttamenn virðast mjög hrifnir af drengnum og kalla hann hinn Úgandíska Lionel Messi, ekki slæm samlíking það!  Þar með á ÍBV tvo leikmenn í landsliði Úganda því Andrew Mwesigva er fastamaður í vörninni hjá landsliðinu.  Þess má geta að Úganda er í 94. sæti á styrkleikalista FIFA, eða fimm sætum fyrir neðan Ísland sem situr í 89. sæti.  Gústi á að koma aftur til æfinga í Vestmannaeyjum í lok janúar og Andrew í lok febrúar.