Síðastliðið mánudag fundaði almannavarnarnefnd í stjórnstöð Almannavarna sem staðsett er í húsnæði Björgunarfélags Vestmannaeyja við Faxastíg. Í almannavarnarnefnd sitja Karl Gauti Hjaltason sýslumaður, Ragnar Baldvinsson slökkviliðstjóri, Jóhannes Ólafsson yfirlögregluþjónn og frá Björgunarfélagi Vestmannaeyja þeir Sigurður Þ. Jónsson og Adólf Þórsson.

Á fundi almannavarnarnefndar var farið yfir áhættuskoðun í umdæmi lögreglustjórans í Vestmannaeyjum en bréf frá embætti ríkislögreglustjóri hafði óskar eftir slíkri skoðun í bréfi dagsett 26.september s.l.

Samkvæmt almannavarnarnefnd eru helstu hættur eftirfarandi:.

• 1) Skriðuföll vegna jarðskjálfta sbr. í skjálftunum 2000.
• 2) Sjávarflóð vegna óveðurs, t.d. á Eiðinu.
• 3) Óveður.
• 4) Eldgos. Menn voru sammála um að þörf væri á að gera hættumat vegna eldgosahættu hér í Vestmannaeyjum.
• 5) Flóðbylgjur af hafi. Hafnarbylgja vegna hruns í landgrunninu.
• 6) Jökulhlaup vegna eldgosa. Hafnarbylgja vegna Kötluhlaupa.
• 7) Jarðskjálftar. Hrun í fjöllum sbr. nr. 1. hér að ofan.
• 8) Umferðarslys, t.d. rútuslys.
• 9) Sjóslys. Herjólfur og ferðir ferðamanna PH Viking og Eydís og tuðrur í úteyjar.
• 10) Efnamengun. Olía, bensín, ammoníak, ediksýra og fleira.
• 11) Mannvirki.
• 12) Brunar. Stórbrunar t.d. Ísfélagsbruninn 9. des. 2000 og FES des. 2006.