Lögreglan í Vestmannaeyjum hefur í dag yfirheyrt hátt í tíu unga menn vegna brunans í gömlu Fiskiðjunni í nótt. Talið er að kveikt hafi verið í, þótt ekki sé það óyggjandi, en enginn ákveðinn liggur undir grun um verknaðinn. Tilkynning um eldinn barst á fjórða tímanum í nótt.

Allir sem lögreglan hefur haft í haldi í dag og yfirheyrt hafa viðurkennt að hafa verið á vettvangi í nótt. Ekki liggur fyrir hver eða hverjir hafi verið þar síðastir á ferli, sagði Karl Gauti Hjaltason, lögreglustjóri í Vestmannaeyjum.