Klukkan 03:49 í nótt fengu félagar í Björgunarfélagi Vestmannaeyja óveðursútkall þar sem klæðning hafði losnað af húsnæði á Strembugötu. Um 20 meðlimir félagsins á útkallslista mættu þegar kallið kom og vel gekk að festa klæðninguna aftur. Félagar Björgunarfélagsins voru svo með vakt það sem af var nætur.

Í samtali við eyjar.net sagði Adólf Þórsson formaður Björgunarfélags Vestmannaeyja að félagið hafi undirbúið sig vel í gærkvöldi og því hafi tekið skamman tíma að bregðast við þegar útkallið kom í nótt. En félagar Björgunarfélagsins standa einmitt vaktina þessa dagana á flugeldamarkaði Björgunarfélagins við Faxastíg.

Myndir frá útkalli Björgunarfélagsins má sjá hér