Day: 7. mars, 2008

�?ú sem átt kindur!

Finnst þér að áhugamál þitt / atvinna njóti lítils skilnings og að félagar þínir í sauðfjárrækt séu fáir? Ert þú vondaufur um framtíðina eða hyggst þú sækja fram? Félag sauðfjárbænda í Árnessýslu er að leita að þér, því nú leitum við félaga, gamalla og nýrra, sem vilja skapa tengsl og samstöðu meðal sauðfjárbænda, efla sauðfjárrækt […]

Fjarðabyggð vill fá uppsjávarsvið Hafró til Neskaupstaðar

Bæjarstjórn Fjarðabyggðar samþykkti í gær ályktun þar sem skorað er á sjávarútvegsráðherra að beita sér fyrir mótvægisaðgerðum í sveitarfélaginu, til að mæta áhrifum af kvótaniðurskurði og aflabresti í loðnu. Meðal þess sem bæjarstjórnin leggur til er að uppsjávarsvið Hafrannsóknarstofnunar verði flutt til Neskaupstaðar. Þá verði rannsóknir Matís í samvinnu við sjávarútvegsfyrirtækin efldar og starfsemi Fiskistofu […]

Burtfararprófstónleikar Unnar

Unnur Sigmarsdóttir, mezzósópran, frá Sauðhúsvelli undan Eyjafjöllum og Kolbrún Sæmundsdóttir píanóleikari halda burtfararprófstónleika í tónleikasalnum Von að Efstaleiti 7 í Reykjavík sunnudaginn 9. mars kl. 17. Unnur er söngnemandi Dóru Reyndal við Söngskólann í Reykjavík og hefur komið fram sem einsöngvari við ýmis tilefni undanfarin ár. (meira…)

Trabant dregur bíl

Fyrir nokkrum árum var á götum landsins talsvert af bílum frá Austur Þýskalandi, af Trabant gerð. Enn má sjá nokkur eintök af þeim á götunum. Þetta eru bílar með plastyfirbyggingu og tvígengisvél, sem hátt heyrist í og talsverður reykur stendur aftur úr bílnum við áreynslu. (meira…)

Múlaberg SI 22 landaði rúmum 100 tonnum.

Múlaberg SI 22 eitt af skipum Ramma hf. í Þorlákshöfn landði afla þar á miðvikudegi 5. mars sl. Skv. heimasíðu Fiskistofu var skipting aflans þessi: . (meira…)

Hvalveiðar leyfðar á ný?

Samkvæmt málamiðlunartillögum sem ræddar verða á fundi Alþjóðahvalveiðiráðsins verða hvalveiðar leyfðar að nýju. Veiðibann hefur verið í gildi síðan 1986. Veiðarnar verða undir alþjóðlegu eftirliti. Ríkisútvarpið greinir frá því að til að ná sáttum í ráðinu hafi verið fengnir helstu sérfræðingar í alþjóðlegri sáttagerð, menn sem hafa reynslu af friðarsamningum í El Salvador og samningunum […]

Lítið farsímasamband í Flóahreppi

Farsímasamband í Flóahreppi rétt við Selfoss þar sem tæplega 600 manns búa er lítið sem ekkert. Sveitarstjórinn þarf t.d. að halla sér langt út um glugga til að geta svarað í GSM símann sinn. Hann lýsir eftir samgönguráðherra. (meira…)

Vaktin á leið heim til þín

9. tölublað Vaktarinnar er nú komið í dreifingu hjá Póstinum. Eins og alltaf er eitthvað fyrir alla í Vaktinni, litið er inn í leikhúsið þar sem æfingar á Hárinu standa sem hæst, Vilhelm G. Kristinsson kíkti í heimsókn í Godthaab, tekinn er púlsinn á fyrirhugaðri tuðruferð nokkurra Eyjamanna hringinn í kringum landið og auðvitað fjallað […]

Dagskráin, héraðsfréttablað Sunnlendinga 40 ára

Dagskráin, héraðsfréttablað Sunnlendinga fagnaði 40 ára afmæli sínu laugardaginn 1. mars. Af því tilefni verður gefið út glæsilegt afmælisblað fimmtudaginn 27. mars. Þann sama dag verður opnuð sýning í Hótel Selfossi, “Dagskráin í 40 ár” og gestum Prentmets Suðurlands á Selfossi verður boðið upp á veitingar. (meira…)

Góð ráð fyrir siglingu

Sjóveiki

Hvað er sjóveiki?

Sjóveiki er misræmi milli skynfæra líkamans sem senda boð til heilans um hreyfingu – kyrrstöðu.

Þegar einstaklingur er úti á sjó þá nema skynjarar í vökvafylltum gangi í innra eyra hreyfingu og senda boð til heilans að einstaklingur sé á hreyfingu. Augun senda hins vegar boð til heilans um að viðkomandi sé kyrr. Heilinn á erfitt með að vinna úr þessum misvísandi og ósamræmdu upplýsingum og sendir skilaboð til magans um að tæma sig – þ.e. veldur uppköstum.

Einkenni sjóveiki eru þreyta, ógleði, svimi, svitakóf og uppköst.

Góð ráð til að hindra sjóveiki:

  • Góð hvíld daginn fyrir brottför. Að fara seint að sofa og snemma um borð í bát fer ekki vel saman ef fólk er hætt við sjóveiki.
  • Forðist áfenga drykki daginn fyrir brottför
  • Forðist djúpsteiktan, brasaðan eða saltan mat daginn fyrir siglingu.
  • Borðið góðan morgunverð. Borðið gjarnan hvítt brauð, hafragraut og ávexti þó ekki sítrus ávexti.
  • Forðist mikið koffein. Mikið kaffi er ekki það sem maganum líkar fyrir sjóferð.
  • Hafðu mat með þér á sjó. Gott er að hafa samlokur með kjúklingi eða kalkún. Kjötið er fitusnautt og brauðið er róandi í maga. Hafðu endilega eitthvað til að grípa í sem er létt í maga. Bananar eru mjög góðir til að narta í ef þú finnur fyrir ógleði en einnig er gott að hafa létt kex eða annað sem er ekki salt eða fitumikið.
  • Drekkið vel af vatni en einnig er gott er að drekka kóla drykki eða engiferöl í sjóferðinni

Lyf við sjóveiki þ.e. lyf sem slá á einkennin og fást án lyfseðils í apóteki.

  • Koffínátín – fæst án lyfseðils
  • Postafen – fæst án lyfseðils
  • Scopolamin plástur – lyfseðilsskyltEinnig má fá armbönd gegn ferðaveiki sem sumir telja að hjálpi.

Önnur ráð:

  • Engifer er jurt sem nýlega hefur fengið aukna athygli vegna þess að því er haldið fram að hún geti slegið á ógleði sem fylgir sjóveiki. Til forna tuggðu kínverskir sjómenn engiferrót til að draga úr sjóveiki. Flest lyf sem virka á ógleði verka á heilann en engifer virkar aðeins á magann. Ráðlagt er að taka 1000 mg. hylki hálftíma fyrir brottför. Einnig má taka eitt eða tvö 500 mg. hylki sem eru til viðbótar á ferðalaginu. Ekki er ráðlagt að drekka coke með engifertöflum.
  • Piparminta og te eru einnig gömul húsráð við ferðaveiki.
  • Sumum finnst betra að taka sýrujafnandi töflur, Alminox eða slíkt áður en þú heldur á sjó og þá er gott að hafa box með út á sjó.

Hvar í skipinu er best að vera o.fl.

  • Minna finnst fyrir hreyfingu og veltingi ef maður er staddur næst miðju bátsins.
  • Mörgum finnst gott að vera í kulda, t.d.að vera úti á dekki og láta vindinn leika um sig.
  • Matarlykt fer illa í þá sem hætt er við sjóveiki og einnig pústið frá bátnum.

Þungun:

Þungaðar konur sem þjást af sjóveiki mega nota koffinátín í litlum skömmtum en best er að ráðfæra sig við lækni eða lyfjafræðing.
Þunguðum konum er ekki ráðlagt að nota engifer þar sem það er ekki staðfest hvort það geti haft skaðleg áhrif á fóstur.

Eyjafréttir
Keyrt af  GDPR Cookie Compliance
Friðhelgisyfirlýsing

Þessi vefsíða notar fótspor til að við getum veitt þér bestu notendaupplifun. Upplýsingar um fótspor eru geymdar í vafranum þínum og framkvæma aðgerðir eins og að þekkja þig þegar þú kemur aftur á vefsíðu okkar og hjálpa teymi okkar að skilja hvaða hluta vefsíðunnar þér finnst áhugaverðast og gagnlegast.