Day: 18. mars, 2008

Ungmennafélag Stokkseyrar 100 ára 15. mars sl.

Síðastliðinn laugardag héldu félagar í Ungmennafélagi Stokkseyrar upp á 100 ára afmæli félagsins í íþróttahúsi Stokkseyrar. Boðið var til glæsilegs morgunverðarhlaðborðs en stjórn ungmennafélagsins sá um að skipulagningu og framkvæmd hlaðborðsins. Sveitarfélagið Árborg óskar Ungmennafélagi Stokkseyrar til hamingju með þennan merka áfanga. (meira…)

�?lga vegna biskups

Ólga er á meðal presta í prófastsdæmi Árnessýslu eftir að Karl Sigurbjörnsson, biskup Íslands, setti reynsluminnsta prestinn í héraðinu, séra Eirík Jóhannsson í Hruna, sem prófast. Gengið var fram hjá reyndum mönnum á borð við Gunnar Björnsson á Selfossi og Kristinn Ágúst Friðfinnsson í Hraungerðisprestakalli. (meira…)

Ítreka að Landeyjahöfn sé eingöngu ætlað að bæta samgöngur við Vestmannaeyjar

Eins og greint var frá í síðasta tölublaði Frétta hljóp snuðra á þráðinn í viðræðum um eignarhald á Landeyjahöfn sem varð til þess að höfnin verður í eigu ríkisins og var málið tekið fyrir á fundi ríkisstjórnar í dag. Bæjarráð Vestmannaeyja fundaði í hádeginu og í fundargerð kemur fram að ráðið geti ekki stutt fyrirliggjandi […]

Skrifað undir samning um Ferðasjóð íþróttafélaga

Þorgerður Katrín Gunnarsdóttir menntamálaráðherra og Ólafur Rafnsson forseti ÍSÍ undirrituðu í dag samning þar sem Íþrótta- og Ólympíusambandi Íslands er formlega falin umsjón og umsýsla með Ferðasjóði íþróttafélaga, að því er fram kemur í fréttatilkynningu. (meira…)

Heilsað að sjómannasið um helgina

Lögreglan hafði í ýmsu að snúast í vikunni sem leið og var m.a. í þrígang óskað aðstoðar lögreglu á veitingastaði bæjarins um helgina vegna slagsmála sem þar stóðu yfir. Reyndar voru þau að mestu afstaðin í öll skiptin þegar lögreglu en kærur liggja fyrir í tveimur af þessum tilvikum. Í einu tilviki hafði einn gesta […]

Eyjamenn í úrslit 2. deildar

Körfuknattleikslið ÍBV er komið í úrslit 2. deildar en Eyjamenn enduðu í öðru sæti B-riðils. Úrslitakeppnin fer þannig fram að fjögur lið leika í úrslitakeppninni og þau lið sem vinna sína leiki í undanúrslitum eru komin upp í 1. deild. Aðeins er spilaður einn leikur, þau lið sem enduðu ofar í sínum riðli fá heimaleik […]

Leikfélag Fsu sýndi atriði úr nýjum rokksöngleik á Draugabarnum

Laugardaginn 15. mars mættu meðlimir úr Leikfélagi FSu á Draugabarinn á Stokkseyri og sýndu brot úr rokksöngleiknum “Til Sölu” sem byggir á unglinga kvikmyndinni “Can’t buy me love” sem er frá árinu 1987. Sýningin var glæsileg og stóðu krakkarnir sig frábærlega vel. Söngleikurinn verður síðan frumsýndur í Menningarsal Hótel Selfoss þann 27. mars næstkomandi. Af. […]

Guðni á Kanarí

GUÐNI Ágústsson, formaður Framsóknarflokksins, hélt stjórnmálafund á Kanaríeyjum um helgina og sóttu hann um 360 manns. Guðni kvaðst á fundinum hafa áhuga á að styrkja eldri borgara til þess að dveljast á Kanaríeyjum að vetri til. Margir sjúkir, sem væru þar, hættu töku á ýmsum dýrum lyfjum og hlytist af því sparnaður. (meira…)

Góð ráð fyrir siglingu

Sjóveiki

Hvað er sjóveiki?

Sjóveiki er misræmi milli skynfæra líkamans sem senda boð til heilans um hreyfingu – kyrrstöðu.

Þegar einstaklingur er úti á sjó þá nema skynjarar í vökvafylltum gangi í innra eyra hreyfingu og senda boð til heilans að einstaklingur sé á hreyfingu. Augun senda hins vegar boð til heilans um að viðkomandi sé kyrr. Heilinn á erfitt með að vinna úr þessum misvísandi og ósamræmdu upplýsingum og sendir skilaboð til magans um að tæma sig – þ.e. veldur uppköstum.

Einkenni sjóveiki eru þreyta, ógleði, svimi, svitakóf og uppköst.

Góð ráð til að hindra sjóveiki:

  • Góð hvíld daginn fyrir brottför. Að fara seint að sofa og snemma um borð í bát fer ekki vel saman ef fólk er hætt við sjóveiki.
  • Forðist áfenga drykki daginn fyrir brottför
  • Forðist djúpsteiktan, brasaðan eða saltan mat daginn fyrir siglingu.
  • Borðið góðan morgunverð. Borðið gjarnan hvítt brauð, hafragraut og ávexti þó ekki sítrus ávexti.
  • Forðist mikið koffein. Mikið kaffi er ekki það sem maganum líkar fyrir sjóferð.
  • Hafðu mat með þér á sjó. Gott er að hafa samlokur með kjúklingi eða kalkún. Kjötið er fitusnautt og brauðið er róandi í maga. Hafðu endilega eitthvað til að grípa í sem er létt í maga. Bananar eru mjög góðir til að narta í ef þú finnur fyrir ógleði en einnig er gott að hafa létt kex eða annað sem er ekki salt eða fitumikið.
  • Drekkið vel af vatni en einnig er gott er að drekka kóla drykki eða engiferöl í sjóferðinni

Lyf við sjóveiki þ.e. lyf sem slá á einkennin og fást án lyfseðils í apóteki.

  • Koffínátín – fæst án lyfseðils
  • Postafen – fæst án lyfseðils
  • Scopolamin plástur – lyfseðilsskyltEinnig má fá armbönd gegn ferðaveiki sem sumir telja að hjálpi.

Önnur ráð:

  • Engifer er jurt sem nýlega hefur fengið aukna athygli vegna þess að því er haldið fram að hún geti slegið á ógleði sem fylgir sjóveiki. Til forna tuggðu kínverskir sjómenn engiferrót til að draga úr sjóveiki. Flest lyf sem virka á ógleði verka á heilann en engifer virkar aðeins á magann. Ráðlagt er að taka 1000 mg. hylki hálftíma fyrir brottför. Einnig má taka eitt eða tvö 500 mg. hylki sem eru til viðbótar á ferðalaginu. Ekki er ráðlagt að drekka coke með engifertöflum.
  • Piparminta og te eru einnig gömul húsráð við ferðaveiki.
  • Sumum finnst betra að taka sýrujafnandi töflur, Alminox eða slíkt áður en þú heldur á sjó og þá er gott að hafa box með út á sjó.

Hvar í skipinu er best að vera o.fl.

  • Minna finnst fyrir hreyfingu og veltingi ef maður er staddur næst miðju bátsins.
  • Mörgum finnst gott að vera í kulda, t.d.að vera úti á dekki og láta vindinn leika um sig.
  • Matarlykt fer illa í þá sem hætt er við sjóveiki og einnig pústið frá bátnum.

Þungun:

Þungaðar konur sem þjást af sjóveiki mega nota koffinátín í litlum skömmtum en best er að ráðfæra sig við lækni eða lyfjafræðing.
Þunguðum konum er ekki ráðlagt að nota engifer þar sem það er ekki staðfest hvort það geti haft skaðleg áhrif á fóstur.

Eyjafréttir
Keyrt af  GDPR Cookie Compliance
Friðhelgisyfirlýsing

Þessi vefsíða notar fótspor til að við getum veitt þér bestu notendaupplifun. Upplýsingar um fótspor eru geymdar í vafranum þínum og framkvæma aðgerðir eins og að þekkja þig þegar þú kemur aftur á vefsíðu okkar og hjálpa teymi okkar að skilja hvaða hluta vefsíðunnar þér finnst áhugaverðast og gagnlegast.