Day: 13. júní, 2008

Hvalreki við Markarfljótsós

Hvalreki við Markarfljótsós, austan við Bakkafjörur, uppgötvaðis um hálf fimm leytið í dag. Lögreglan á Hvolsvelli er á leið á staðinn. Hræið er um 8 metrar, frekar heillegt og nýlega rekið því ekki er komin ólykt af hræinu. (meira…)

Búið að meta 60 hús á Suðurlandi

Viðlagatrygging Íslands hefur nú metið skemmdir á um 60 húsum á Suðurlandi eftir jarðskjálftana 29.maí, þar með talin flest þau hús sem virðast hafa farið verst út úr hamförunum. Formaður stjórnar Viðlagatryggingar, Torfi Áskelsson, segir að þó sé ekki enn hægt að segja til um hversu mörg þessara 60 húsa verði metin ónýt. Það gerist […]

Hægt að kynnast Sumarstúlkunum á Eyjafréttum

Eins og áður hefur komið fram verður Sumarstúlkukeppnin haldin með pompi og prakt í Höllinni laugardaginn 21. júní. Fimmtán glæsimeyjar taka þátt í keppninni í ár og ljóst að það verður ekki öfundsvert hlutskipti þeirra sem sitja í dómnefndinni enda stúlkurnar hver annarri glæsilegri. Nú er hægt að sjá myndir og viðtöl við stelpurnar hér […]

Margrét Katrín Erlingsdóttir, kjörinn forseti bæjarstjórnar

Á bæjarstjórnarfundi í Sveitarfélaginu Árborg í fyrradag var Margrét Katrín Erlingsdóttir (B lista) kjörin forseti bæjarstjórnar. Margrét mun gegna því embætti næstu tvo mánuði í leyfi Þorvaldar Guðmundssonar oddvita B lista. Þess má geta að Ingunn Guðmundsdóttir var síðust kvenna til að vera kjörin forseti bæjarstjórnar á undan Margréti og það var 14. júní 2000 […]

Mikil áta í kringum landið

Hafrannsóknastofnun segir, að í nýafstöðnum vorleiðangri rannsóknaskipsins Bjarna Sæmundssonar hafi komið í ljós, að mikil áta var víðast hvar í kringum landið, einkum úti fyrir Suðurströndinni. Þá voru hiti og selta yfir langtímameðaltali sunnan og vestan við land og undir eða nærri því fyrir norðan. (meira…)

Leggja af stað í fyrramálið

Í fyrramálið eða klukkan 5.00 á laugardagsmorgun hefst hringferð nokkurra Eyjamanna en áætlað er að sigla hringinn í kringum landið á tuðrum. Ferðin er styrktarverkefni fyrir Kraft, stuðningsfélag fyrir ungt fólk sem hefur greinst með krabbamein og aðstandendur þeirra en áætlað er að hringferðinni verði lokið á goslokahátíðinni 4. júlí. (meira…)

�?gir í fullu fjöri á fertugsafmælinu

Varðskipið Ægir er 40 ára um þessar mundir. Skipið var smíðað í Álaborg í Danmörku árið 1968 og breytt í Póllandi árin 1997, 2001 og 2005. Ægir átti stóran þátt í 50 og 200 mílna þorskastríðunum og var Ægir meðal annars fyrst íslenskra varðskipa til að beita togvíraklippum á landhelgisbrjót. Það var þann 5. september […]

Byggðapólitík?

Hin pólitíska afstaða breyttist hratt. Í október 2007 skoruðu starfsmenn Litla-Hrauns á stjórnvöld og fangelsismálayfirvöld að falla frá áformum um stórfellda uppbyggingu á Hólmsheiði. Þess í stað yrði byggt fangelsi fyrir gæsluvarðhaldsfanga í Reykjavík en fangaklefum fjölgað um 40 á Litla-Hrauni. Bæjarráð Árborgar lýsti þegar yfir stuðningi við yfirlýsinguna. (meira…)

Árangursríkari stefna að falla frá Hólmsheiði

Á Alþingi 5. mars sl. sagði ráðherrann m.a. að hugmyndir hans hefðu frá árinu 2003 þróast á þann veg að hann teldi æskilegast að huga að því að tengja saman gæsluvarðhalds- og skammvistunarfangelsi og nýja lögreglustöð á [höfuðborgarsvæðinu]. Jafnframt yrði ráðist í meiri uppbyggingu á Litla-Hrauni en ráðgert hefur verið. Þessi stefna væri mun líklegri […]

Áform um fangelsi á Hólmsheiði lögð á hilluna

ÞÓTT ekki hafi verið tekin um það formleg ákvörðun virðist blasa við að ríkisvaldið hefur lagt áform um að reisa fangelsi á Hólmsheiði á hilluna. Fangelsið á Hólmsheiði átti að rúma 64 fanga en í stað þess er nú stefnt að því að reisa fangelsi á höfuðborgarsvæðinu með um 30 fangaklefum sem yrði sambyggt nýjum […]

Góð ráð fyrir siglingu

Sjóveiki

Hvað er sjóveiki?

Sjóveiki er misræmi milli skynfæra líkamans sem senda boð til heilans um hreyfingu – kyrrstöðu.

Þegar einstaklingur er úti á sjó þá nema skynjarar í vökvafylltum gangi í innra eyra hreyfingu og senda boð til heilans að einstaklingur sé á hreyfingu. Augun senda hins vegar boð til heilans um að viðkomandi sé kyrr. Heilinn á erfitt með að vinna úr þessum misvísandi og ósamræmdu upplýsingum og sendir skilaboð til magans um að tæma sig – þ.e. veldur uppköstum.

Einkenni sjóveiki eru þreyta, ógleði, svimi, svitakóf og uppköst.

Góð ráð til að hindra sjóveiki:

  • Góð hvíld daginn fyrir brottför. Að fara seint að sofa og snemma um borð í bát fer ekki vel saman ef fólk er hætt við sjóveiki.
  • Forðist áfenga drykki daginn fyrir brottför
  • Forðist djúpsteiktan, brasaðan eða saltan mat daginn fyrir siglingu.
  • Borðið góðan morgunverð. Borðið gjarnan hvítt brauð, hafragraut og ávexti þó ekki sítrus ávexti.
  • Forðist mikið koffein. Mikið kaffi er ekki það sem maganum líkar fyrir sjóferð.
  • Hafðu mat með þér á sjó. Gott er að hafa samlokur með kjúklingi eða kalkún. Kjötið er fitusnautt og brauðið er róandi í maga. Hafðu endilega eitthvað til að grípa í sem er létt í maga. Bananar eru mjög góðir til að narta í ef þú finnur fyrir ógleði en einnig er gott að hafa létt kex eða annað sem er ekki salt eða fitumikið.
  • Drekkið vel af vatni en einnig er gott er að drekka kóla drykki eða engiferöl í sjóferðinni

Lyf við sjóveiki þ.e. lyf sem slá á einkennin og fást án lyfseðils í apóteki.

  • Koffínátín – fæst án lyfseðils
  • Postafen – fæst án lyfseðils
  • Scopolamin plástur – lyfseðilsskyltEinnig má fá armbönd gegn ferðaveiki sem sumir telja að hjálpi.

Önnur ráð:

  • Engifer er jurt sem nýlega hefur fengið aukna athygli vegna þess að því er haldið fram að hún geti slegið á ógleði sem fylgir sjóveiki. Til forna tuggðu kínverskir sjómenn engiferrót til að draga úr sjóveiki. Flest lyf sem virka á ógleði verka á heilann en engifer virkar aðeins á magann. Ráðlagt er að taka 1000 mg. hylki hálftíma fyrir brottför. Einnig má taka eitt eða tvö 500 mg. hylki sem eru til viðbótar á ferðalaginu. Ekki er ráðlagt að drekka coke með engifertöflum.
  • Piparminta og te eru einnig gömul húsráð við ferðaveiki.
  • Sumum finnst betra að taka sýrujafnandi töflur, Alminox eða slíkt áður en þú heldur á sjó og þá er gott að hafa box með út á sjó.

Hvar í skipinu er best að vera o.fl.

  • Minna finnst fyrir hreyfingu og veltingi ef maður er staddur næst miðju bátsins.
  • Mörgum finnst gott að vera í kulda, t.d.að vera úti á dekki og láta vindinn leika um sig.
  • Matarlykt fer illa í þá sem hætt er við sjóveiki og einnig pústið frá bátnum.

Þungun:

Þungaðar konur sem þjást af sjóveiki mega nota koffinátín í litlum skömmtum en best er að ráðfæra sig við lækni eða lyfjafræðing.
Þunguðum konum er ekki ráðlagt að nota engifer þar sem það er ekki staðfest hvort það geti haft skaðleg áhrif á fóstur.

Eyjafréttir
Keyrt af  GDPR Cookie Compliance
Friðhelgisyfirlýsing

Þessi vefsíða notar fótspor til að við getum veitt þér bestu notendaupplifun. Upplýsingar um fótspor eru geymdar í vafranum þínum og framkvæma aðgerðir eins og að þekkja þig þegar þú kemur aftur á vefsíðu okkar og hjálpa teymi okkar að skilja hvaða hluta vefsíðunnar þér finnst áhugaverðast og gagnlegast.