Day: 10. júlí, 2008

Hjalti spilaði í fyrsta sinn með Selfyssingum gegn ÍBV

Hjalti Jóhannesson var í fyrsta sinn í leikmannahópi Selfyssinga í kvöld en þessi eldfljóti bakvörður lék með ÍBV á gullaldartímabili félagsins seint á síðustu öld. Stuðningsmenn ÍBV kunnu því illa að sjá Hjalta í vitlausum” búningi en klöppuðu hins vegar þegar honum var skipt inn á í seinni hálfleik. Hjalti var þarna að spila sinn […]

Eyjamenn með afgerandi forystu eftir sigur á Selfyssingum í kvöld

Leikmenn ÍBV sýndu styrk sinn í uppgjöri toppliða 1. deildarinnar þegar þeir tóku á móti Selfyssingum á Hásteinsvellinum í kvöld. Eyjamenn unnu 3:0 og áttu í raun ekki í teljandi vandræðum með slaka Selfyssingar, sem oft hafa leikið betur. ÍBV er nú komið með afgerandi forystu á toppi deildarinnar, er nú með 30 stig í […]

Gunnar Heiðar með tvö fyrir Esbjerg

Gunnar Heiðar Þorvaldsson byrjar svo sannarlega vel með sínu nýja félagi því í gær lék hann með Esbjerg við þýska liðið Carl Zeiss Jena. Esbjerg hafði betur á útivelli og vann 3:0 og gerði Gunnar Heiðar tvö marka liðsins, það fyrsta á 6. mínútu og síðan þriðja mark leiksins á 42. mínútu. Gunnar Heiðar gekk […]

Afli íslenskra skipa tæp 1.400 þúsund tonn árið 2007

Afli íslenskra skipa á árinu 2007 var tæp 1.396 þúsund tonn, 73 þúsund tonnum meiri en árið 2006. Þetta kemur fram í nýju riti, Afli, aflaverðmæti og ráðstöfun afla 2007 sem nú er komið út hjá Hagstofu Íslands. Aflaverðmæti var rúmir 80 milljarðar króna og jókst um 5,4% frá fyrra ári. Stærsti hluti afla íslenskra […]

Jafn margir gestir í söfn og í bíó

Árið 2006 voru starfrækt 158 sýningarstaðir safna, setra, garða og sýninga, samanborið við 97 fyrir áratug. Þetta kemur fram í tölum sem Hagstofan sendir frá sér í tilefni af hinum íslenska safnadegi þann 13. júlí. (meira…)

Bylgjan í heimsókn um helgina

Um helgina mun útvarpsstöðin Bylgjan koma við í Eyjum og vera með beina útsendingu frá Höllinni bæði föstudag og laugardag. Kolla og Heimir byrja strax á föstudagsmorgunin og Ívar Guðmunds tekur við af þeim og Siggi Ragg á eftir Ívari. Strákarnir í Reykjavík síðdegis enda svo daginn frá Vestmannaeyjum. Hemmi Gunn og Svansí skemmta svo […]

Lundaveiðitímabilið hófst í morgun

Samkvæmt reglum sem bæjarstjórn Vestmannaeyja setti á dögunum um nytjar á lunda, má hefja veiðar í dag 10. júlí. Það þurfti reyndar ekki reglur bæjarins til því bjargveiðimenn í Vestmannaeyjum höfðu áður tekið saman höndum og ákveðið að stytta veiðitímabilið talsvert til að koma til móts við slæma afkomu fuglsins síðustu ár. Í eðlilegu árferði […]

Uppgjör toppliðanna í kvöld á Hásteinsvelli

Í kvöld verður sannkallaður stórleikur í 1. deild karla í knattspyrnu þegar topplið ÍBV tekur á móti nágrönnum sínum frá Selfossi. Selfyssingar hafa komið mörgum á óvart með jöfnum og góðum leik og eru eina taplausa liðið í efstu deild. ÍBV hefur hins vegar ekki gert mörg mistök í upphafi móts, hafa unnið níu af […]

Suðurnes og Suðurland eitt atvinnusvæði

MEÐ tilkomu Suðurstrandarvegar verða Suðurland og Suðurnes eitt atvinnusvæði, að mati Guðjóns Guðmundssonar, framkvæmdastjóra Sambands sveitarfélaga á Suðurnesjum. Guðjón segir að hingað til hafi fólk ekki verið tilbúið að aka yfir fjallvegi til að sækja vinnu, en það muni nú breytast. (meira…)

Góð ráð fyrir siglingu

Sjóveiki

Hvað er sjóveiki?

Sjóveiki er misræmi milli skynfæra líkamans sem senda boð til heilans um hreyfingu – kyrrstöðu.

Þegar einstaklingur er úti á sjó þá nema skynjarar í vökvafylltum gangi í innra eyra hreyfingu og senda boð til heilans að einstaklingur sé á hreyfingu. Augun senda hins vegar boð til heilans um að viðkomandi sé kyrr. Heilinn á erfitt með að vinna úr þessum misvísandi og ósamræmdu upplýsingum og sendir skilaboð til magans um að tæma sig – þ.e. veldur uppköstum.

Einkenni sjóveiki eru þreyta, ógleði, svimi, svitakóf og uppköst.

Góð ráð til að hindra sjóveiki:

  • Góð hvíld daginn fyrir brottför. Að fara seint að sofa og snemma um borð í bát fer ekki vel saman ef fólk er hætt við sjóveiki.
  • Forðist áfenga drykki daginn fyrir brottför
  • Forðist djúpsteiktan, brasaðan eða saltan mat daginn fyrir siglingu.
  • Borðið góðan morgunverð. Borðið gjarnan hvítt brauð, hafragraut og ávexti þó ekki sítrus ávexti.
  • Forðist mikið koffein. Mikið kaffi er ekki það sem maganum líkar fyrir sjóferð.
  • Hafðu mat með þér á sjó. Gott er að hafa samlokur með kjúklingi eða kalkún. Kjötið er fitusnautt og brauðið er róandi í maga. Hafðu endilega eitthvað til að grípa í sem er létt í maga. Bananar eru mjög góðir til að narta í ef þú finnur fyrir ógleði en einnig er gott að hafa létt kex eða annað sem er ekki salt eða fitumikið.
  • Drekkið vel af vatni en einnig er gott er að drekka kóla drykki eða engiferöl í sjóferðinni

Lyf við sjóveiki þ.e. lyf sem slá á einkennin og fást án lyfseðils í apóteki.

  • Koffínátín – fæst án lyfseðils
  • Postafen – fæst án lyfseðils
  • Scopolamin plástur – lyfseðilsskyltEinnig má fá armbönd gegn ferðaveiki sem sumir telja að hjálpi.

Önnur ráð:

  • Engifer er jurt sem nýlega hefur fengið aukna athygli vegna þess að því er haldið fram að hún geti slegið á ógleði sem fylgir sjóveiki. Til forna tuggðu kínverskir sjómenn engiferrót til að draga úr sjóveiki. Flest lyf sem virka á ógleði verka á heilann en engifer virkar aðeins á magann. Ráðlagt er að taka 1000 mg. hylki hálftíma fyrir brottför. Einnig má taka eitt eða tvö 500 mg. hylki sem eru til viðbótar á ferðalaginu. Ekki er ráðlagt að drekka coke með engifertöflum.
  • Piparminta og te eru einnig gömul húsráð við ferðaveiki.
  • Sumum finnst betra að taka sýrujafnandi töflur, Alminox eða slíkt áður en þú heldur á sjó og þá er gott að hafa box með út á sjó.

Hvar í skipinu er best að vera o.fl.

  • Minna finnst fyrir hreyfingu og veltingi ef maður er staddur næst miðju bátsins.
  • Mörgum finnst gott að vera í kulda, t.d.að vera úti á dekki og láta vindinn leika um sig.
  • Matarlykt fer illa í þá sem hætt er við sjóveiki og einnig pústið frá bátnum.

Þungun:

Þungaðar konur sem þjást af sjóveiki mega nota koffinátín í litlum skömmtum en best er að ráðfæra sig við lækni eða lyfjafræðing.
Þunguðum konum er ekki ráðlagt að nota engifer þar sem það er ekki staðfest hvort það geti haft skaðleg áhrif á fóstur.

Eyjafréttir
Keyrt af  GDPR Cookie Compliance
Friðhelgisyfirlýsing

Þessi vefsíða notar fótspor til að við getum veitt þér bestu notendaupplifun. Upplýsingar um fótspor eru geymdar í vafranum þínum og framkvæma aðgerðir eins og að þekkja þig þegar þú kemur aftur á vefsíðu okkar og hjálpa teymi okkar að skilja hvaða hluta vefsíðunnar þér finnst áhugaverðast og gagnlegast.