Day: 1. september, 2008

�?inghald hefst á morgun

Alþingi kemur saman á morgun, 2.september og standa þingfundir í tæpar tvær vikur. Tímasetningin er í samræmi við ný þingskaparlög sem tóku gildi um áramótin. Þingfundum var frestað aðfararnótt 30. maí síðastliðins, sama dag og jarðskjálftarnir gengu yfir Suðurland. Þónokkrum stórum málum var slegið á frest til þess þings sem hefst á morgun. Nota átti […]

Nýtt verðlagsár hefst í dag

Í dag, 1. september, hefst nýtt verðlagsár hjá mjólkurframleiðendum. Greiðslumark mjólkur á þessu nýja verðlagsári hefur verið ákveðið 119 milljónir lítra sem er aukning um 2 milljónir lítra frá nýliðnu verðlagsári. Aukningin nemur 1,0171% og virkar sem flöt aukning á alla greiðslumarkshafa. við upphaf verðlagsársins og munu Samtökin annast úthlutun fjármunanna. (meira…)

Nýtt fiskveiðiár hófst á miðnætti

Nýtt fiskveiðiár hófst á miðnætti þannig að nú eiga allar útgerðir kvóta til veiða, til að byrja með að minnsta kosti. Þó nokkur dæmi voru um að að skip yrðu að hætta veiðum í sumar, þótt þau ættu eftir kvóta í ýmsum tegundum, því þorskkvótinn var upp urinn. Þorskur veiðist með flestum öðrum tegundum og […]

Ingibjörg slær Geir við

Samfylkingin nýtur orðið meira fylgis meðal almennings en Sjálfstæðisflokkurinn samkvæmt nýjum Þjóðarpúlsi Gallup. 33 prósent svarenda sögðust myndu kjósa Samfylkinguna ef kosið yrði nú en 32 prósent sögðust greiða Sjálfstæðisflokknum atkvæði sitt. Vinstri-græn myndu samkvæmt könnuninni fá 19 prósent atkvæða ef kosið yrði nú og Framsóknarflokkurinn tíu prósent. Aðeins fjögur prósent sögðust myndu kjósa Frjálslynda […]

Hallgrímur í þriðja sæti

Guðjón Ingi Kristjánsson úr GKG sigraði í Unglingaeinvíginu í Mosfellsbæ sem fram fór á Hlíðavelli í Mosfellsbæ í dag. Ólafaía Þórunn Kristinsdóttir úr GR varð önnur og Eyjapeyinn Hallgrímur Júlíusson í þriðja sæti. (meira…)

Stórkostlegt kraftaverk að hún skuli vera á lífi

„Stórkostlegt kraftaverk er að hún skuli vera á lífi,“ segir Jörn Kvist, stjórnandi Sirkus Agora, en jafnvægisatriði fór úrskeiðis á sýningu hans á Akureyri með þeim afleiðingum að loftfimleikakona, Ludvika Berouskova, féll fimm metra niður úr stiga með höfuðið á undan. „Ég hélt fyrst að hún hefði hálsbrotnað og dáið. Þetta er mesta áfall sem […]

5. flokkur í undanúrslit

A og B-lið 5.flokks karla lék í úrslitakeppninni á Akureyri um helgina. A-liðið vann alla sína leiki og leikur því undanúrslitaleik um Íslandsmeistaratitilinn næstu helgi. A-liðið byrjaði að vinna Fjölni 3-2 þá Fjarðabyggð/Leikni 6-2 og endaði að sigra KA 4-1. B-liðið vann tvo leiki stórt en tapaði einum leik. (meira…)

Góð ráð fyrir siglingu

Sjóveiki

Hvað er sjóveiki?

Sjóveiki er misræmi milli skynfæra líkamans sem senda boð til heilans um hreyfingu – kyrrstöðu.

Þegar einstaklingur er úti á sjó þá nema skynjarar í vökvafylltum gangi í innra eyra hreyfingu og senda boð til heilans að einstaklingur sé á hreyfingu. Augun senda hins vegar boð til heilans um að viðkomandi sé kyrr. Heilinn á erfitt með að vinna úr þessum misvísandi og ósamræmdu upplýsingum og sendir skilaboð til magans um að tæma sig – þ.e. veldur uppköstum.

Einkenni sjóveiki eru þreyta, ógleði, svimi, svitakóf og uppköst.

Góð ráð til að hindra sjóveiki:

  • Góð hvíld daginn fyrir brottför. Að fara seint að sofa og snemma um borð í bát fer ekki vel saman ef fólk er hætt við sjóveiki.
  • Forðist áfenga drykki daginn fyrir brottför
  • Forðist djúpsteiktan, brasaðan eða saltan mat daginn fyrir siglingu.
  • Borðið góðan morgunverð. Borðið gjarnan hvítt brauð, hafragraut og ávexti þó ekki sítrus ávexti.
  • Forðist mikið koffein. Mikið kaffi er ekki það sem maganum líkar fyrir sjóferð.
  • Hafðu mat með þér á sjó. Gott er að hafa samlokur með kjúklingi eða kalkún. Kjötið er fitusnautt og brauðið er róandi í maga. Hafðu endilega eitthvað til að grípa í sem er létt í maga. Bananar eru mjög góðir til að narta í ef þú finnur fyrir ógleði en einnig er gott að hafa létt kex eða annað sem er ekki salt eða fitumikið.
  • Drekkið vel af vatni en einnig er gott er að drekka kóla drykki eða engiferöl í sjóferðinni

Lyf við sjóveiki þ.e. lyf sem slá á einkennin og fást án lyfseðils í apóteki.

  • Koffínátín – fæst án lyfseðils
  • Postafen – fæst án lyfseðils
  • Scopolamin plástur – lyfseðilsskyltEinnig má fá armbönd gegn ferðaveiki sem sumir telja að hjálpi.

Önnur ráð:

  • Engifer er jurt sem nýlega hefur fengið aukna athygli vegna þess að því er haldið fram að hún geti slegið á ógleði sem fylgir sjóveiki. Til forna tuggðu kínverskir sjómenn engiferrót til að draga úr sjóveiki. Flest lyf sem virka á ógleði verka á heilann en engifer virkar aðeins á magann. Ráðlagt er að taka 1000 mg. hylki hálftíma fyrir brottför. Einnig má taka eitt eða tvö 500 mg. hylki sem eru til viðbótar á ferðalaginu. Ekki er ráðlagt að drekka coke með engifertöflum.
  • Piparminta og te eru einnig gömul húsráð við ferðaveiki.
  • Sumum finnst betra að taka sýrujafnandi töflur, Alminox eða slíkt áður en þú heldur á sjó og þá er gott að hafa box með út á sjó.

Hvar í skipinu er best að vera o.fl.

  • Minna finnst fyrir hreyfingu og veltingi ef maður er staddur næst miðju bátsins.
  • Mörgum finnst gott að vera í kulda, t.d.að vera úti á dekki og láta vindinn leika um sig.
  • Matarlykt fer illa í þá sem hætt er við sjóveiki og einnig pústið frá bátnum.

Þungun:

Þungaðar konur sem þjást af sjóveiki mega nota koffinátín í litlum skömmtum en best er að ráðfæra sig við lækni eða lyfjafræðing.
Þunguðum konum er ekki ráðlagt að nota engifer þar sem það er ekki staðfest hvort það geti haft skaðleg áhrif á fóstur.

Eyjafréttir
Keyrt af  GDPR Cookie Compliance
Friðhelgisyfirlýsing

Þessi vefsíða notar fótspor til að við getum veitt þér bestu notendaupplifun. Upplýsingar um fótspor eru geymdar í vafranum þínum og framkvæma aðgerðir eins og að þekkja þig þegar þú kemur aftur á vefsíðu okkar og hjálpa teymi okkar að skilja hvaða hluta vefsíðunnar þér finnst áhugaverðast og gagnlegast.