Day: 12. janúar, 2010

Tugmilljóna tjón fyrir ferðaþjónustuna í Eyjum

Engar upplýsingar liggja fyrir varðandi ferðaáætlun í Landeyjahöfn sem áætlað er að opna 1. júlí næstkomandi eða eftir aðeins tæpa sex mánuði. Ekki er hægt að bóka ferðir með farþegaferjunni Herjólfi eftir 1. júlí 2010, sem þýðir að hvorki er hægt að taka við bókunum á Goslokahátíð og Þjóðhátíð. Til að opna fyrir þann möguleika […]

Algert skilningsleysi gagnvart stöðu Vestmannaeyja

Á fundi bæjarráðs í dag var fjallað um stöðuna sem upp er komin í samgöngumálum en nú síðast var ferðum Herjólfs fækkað um tvær ferðir á viku og gjaldskrá ferjunnar var hækkuð. Í fundargerð bæjarráðs eru talin upp niðurskurðaraðgerðir ríkisins gagnvart Vestmannaeyingum og þætti mörgum nóg um. „Algert skilningsleysi er gagnvart þeirri staðreynd að Vestmannaeyjar […]

Fjórtán útköll hjá slökkviliði Vestmannaeyja á árinu

Slökkvilið Vestmannaeyja var kallað fjórtán sinnum út á síðasta ári en mesta tjónið var þegar Lifrasamlag Vestmannaeyja brann, bæði menningarlegt og fjárhagslegt tjón. Þá hefði einnig getað farið illa þegar kveikt var í langferðabifreið við flugeldageymslu Björgunarfélagsins en slökkviliðinu tókst að slökkva eldinn áður en hann læsti sig í byggingunni. (meira…)

Gunnar Heiðar kominn með leikheimild

Gunnar Heiðar Þorvaldsson er kominn með leikheimild með enska 1. deildarliðinu Reading og mun að öllum líkindum spila sinn fyrsta leik fyrir félagið gegn Nottingham Forest á laugardaginn. Hins vegar er ljóst að hann leikur ekki með liðinu gegn Liverpool á Anfield í ensku bikarkeppninni annað kvöld þar sem hann var ekki kominn með leikheimild […]

Vill kanna áhuga sveitarfélaga á endurkomu þeirra að HS-veitum hf.

Reykjanesbær, sem meirihlutaeigandi í HS veitum hf., vill kanna áhuga á stækkun fyrirtækisins og endurkomu fleiri sveitarfélaga í það. Hefur sveitarfélögum sem nota þjónustu HS veitna hf. verið sent bréf þar sem þeim er boðið að kaupa hlut í fyrirtækinu í hlutfalli við þjónustuumfang þeirra. (meira…)

Loðnuleit hefur skilað litlu

Hafrannsóknarskipin Árni Friðriksson og Bjarni Sæmundsson eru nú norðaustur af Langanesi og eru því við það að loka hringnum í sameiginlegum loðnuleitarleiðangri sínum umhverfis landið. Skipin héldu úr Höfn í Reykjavík þann 5. janúar og Bjarni Sæmundsson fór vestur fyrir land en Árni Friðriksson austur með landinu. (meira…)

Góð ráð fyrir siglingu

Sjóveiki

Hvað er sjóveiki?

Sjóveiki er misræmi milli skynfæra líkamans sem senda boð til heilans um hreyfingu – kyrrstöðu.

Þegar einstaklingur er úti á sjó þá nema skynjarar í vökvafylltum gangi í innra eyra hreyfingu og senda boð til heilans að einstaklingur sé á hreyfingu. Augun senda hins vegar boð til heilans um að viðkomandi sé kyrr. Heilinn á erfitt með að vinna úr þessum misvísandi og ósamræmdu upplýsingum og sendir skilaboð til magans um að tæma sig – þ.e. veldur uppköstum.

Einkenni sjóveiki eru þreyta, ógleði, svimi, svitakóf og uppköst.

Góð ráð til að hindra sjóveiki:

  • Góð hvíld daginn fyrir brottför. Að fara seint að sofa og snemma um borð í bát fer ekki vel saman ef fólk er hætt við sjóveiki.
  • Forðist áfenga drykki daginn fyrir brottför
  • Forðist djúpsteiktan, brasaðan eða saltan mat daginn fyrir siglingu.
  • Borðið góðan morgunverð. Borðið gjarnan hvítt brauð, hafragraut og ávexti þó ekki sítrus ávexti.
  • Forðist mikið koffein. Mikið kaffi er ekki það sem maganum líkar fyrir sjóferð.
  • Hafðu mat með þér á sjó. Gott er að hafa samlokur með kjúklingi eða kalkún. Kjötið er fitusnautt og brauðið er róandi í maga. Hafðu endilega eitthvað til að grípa í sem er létt í maga. Bananar eru mjög góðir til að narta í ef þú finnur fyrir ógleði en einnig er gott að hafa létt kex eða annað sem er ekki salt eða fitumikið.
  • Drekkið vel af vatni en einnig er gott er að drekka kóla drykki eða engiferöl í sjóferðinni

Lyf við sjóveiki þ.e. lyf sem slá á einkennin og fást án lyfseðils í apóteki.

  • Koffínátín – fæst án lyfseðils
  • Postafen – fæst án lyfseðils
  • Scopolamin plástur – lyfseðilsskyltEinnig má fá armbönd gegn ferðaveiki sem sumir telja að hjálpi.

Önnur ráð:

  • Engifer er jurt sem nýlega hefur fengið aukna athygli vegna þess að því er haldið fram að hún geti slegið á ógleði sem fylgir sjóveiki. Til forna tuggðu kínverskir sjómenn engiferrót til að draga úr sjóveiki. Flest lyf sem virka á ógleði verka á heilann en engifer virkar aðeins á magann. Ráðlagt er að taka 1000 mg. hylki hálftíma fyrir brottför. Einnig má taka eitt eða tvö 500 mg. hylki sem eru til viðbótar á ferðalaginu. Ekki er ráðlagt að drekka coke með engifertöflum.
  • Piparminta og te eru einnig gömul húsráð við ferðaveiki.
  • Sumum finnst betra að taka sýrujafnandi töflur, Alminox eða slíkt áður en þú heldur á sjó og þá er gott að hafa box með út á sjó.

Hvar í skipinu er best að vera o.fl.

  • Minna finnst fyrir hreyfingu og veltingi ef maður er staddur næst miðju bátsins.
  • Mörgum finnst gott að vera í kulda, t.d.að vera úti á dekki og láta vindinn leika um sig.
  • Matarlykt fer illa í þá sem hætt er við sjóveiki og einnig pústið frá bátnum.

Þungun:

Þungaðar konur sem þjást af sjóveiki mega nota koffinátín í litlum skömmtum en best er að ráðfæra sig við lækni eða lyfjafræðing.
Þunguðum konum er ekki ráðlagt að nota engifer þar sem það er ekki staðfest hvort það geti haft skaðleg áhrif á fóstur.

Eyjafréttir
Keyrt af  GDPR Cookie Compliance
Friðhelgisyfirlýsing

Þessi vefsíða notar fótspor til að við getum veitt þér bestu notendaupplifun. Upplýsingar um fótspor eru geymdar í vafranum þínum og framkvæma aðgerðir eins og að þekkja þig þegar þú kemur aftur á vefsíðu okkar og hjálpa teymi okkar að skilja hvaða hluta vefsíðunnar þér finnst áhugaverðast og gagnlegast.