Day: 5. mars, 2011

Obbó-síí með Eyjakvöld á meginlandinu

Söng og skemmtisveitin Obbó-síí frá Eyjum er um helgina að túra um Suðurlandið og í gærkvöldi hélt hún Eyjakvöld í Hvíta húsinu á Selfossi. Í kvöld verður hún í Heimalandi undir Eyjafjöllum. Árni Johnsen, alþingismaður verður sérlegur gestur sveitarinnar í kvöld. (meira…)

Klukka sett upp í Eimskipshöllinni

Á fundi fjölskyldu- og tómstundaráðs á miðvikudaginn, lá m.a. fyrir erindi frá ÍBV íþróttafélagi um að fá að setja upp klukku í nýju Eimskipshöllinni. Er hún ætluð annars vegar til upplýsinga fyrir iðkendur á æfingum og hins vegar til að mæla tíma í keppni þegar æfingamót eru í gangi. (meira…)

Ellefu marka tap gegn ÍR hjá strákunum

Karlalið ÍBV steinlá í dag á útivelli gegn ÍR. ÍR-ingar eru í öðru sæti 1. deildar á meðan ÍBV er í því fjórða en lokatölur í leik liðanna urðu 33:22 eftir að staðan í hálfleik hafði verið 17:12. Sigurður Bragason varð markahæstur með fimm mörk og Einar Gauti Ólafsson skoraði fjögur. (meira…)

Eyjamenn í öðru sæti

Um helgina fer fram síðari umferð í Íslandsmóti Skákfélaga en mótið fer fram í Reykjavík. Sveit Taflfélags Vestmannaeyja var fyrir síðari umferðina í öðru sæti og er þar enn, eftir tap gegn Hellismönnum í gærkvöldi, 4½-3½ eftir háspennuviðureign. Tvær umferðir eru eftir í síðari umferð Íslandsmótsins og hófst sú fyrri í dag klukkan 11. (meira…)

Margrét óstöðvandi með íslenska landsliðinu

Margrét Lára Viðarsdóttir virðist vera óstöðvandi á Algarve mótinu í knattspyrnu en íslenska landsliðið hefur nú unnið tvo fyrstu leiki sína í mótinu. Andstæðingarnir hafa ekki verið af verri endanum, Svíþjóð voru lagðir af velli 2:1 í fyrsta leik og í gær lagði íslenska liðið það kínverska að velli með sömu markatölu. Margrét Lára hefur […]

Stelpurnar taka á móti nýkrýndum bikarmeisturum

Klukkan 13:00 taka stelpurnar í ÍBV á móti nýkrýndum bikarmeisturum í Fram en þetta er fyrsti leikur Safamýrarliðsins eftir sigurinn í bikarkeppninni. Framarar eru jafnframt í harðri baráttu við Val um efsta sætið í N1 deildinni en Fram vann einmitt Val í bikarnum. Eyjastúlkur eru einnig í harðri baráttu í deildinni því þær eiga enn […]

Góð ráð fyrir siglingu

Sjóveiki

Hvað er sjóveiki?

Sjóveiki er misræmi milli skynfæra líkamans sem senda boð til heilans um hreyfingu – kyrrstöðu.

Þegar einstaklingur er úti á sjó þá nema skynjarar í vökvafylltum gangi í innra eyra hreyfingu og senda boð til heilans að einstaklingur sé á hreyfingu. Augun senda hins vegar boð til heilans um að viðkomandi sé kyrr. Heilinn á erfitt með að vinna úr þessum misvísandi og ósamræmdu upplýsingum og sendir skilaboð til magans um að tæma sig – þ.e. veldur uppköstum.

Einkenni sjóveiki eru þreyta, ógleði, svimi, svitakóf og uppköst.

Góð ráð til að hindra sjóveiki:

  • Góð hvíld daginn fyrir brottför. Að fara seint að sofa og snemma um borð í bát fer ekki vel saman ef fólk er hætt við sjóveiki.
  • Forðist áfenga drykki daginn fyrir brottför
  • Forðist djúpsteiktan, brasaðan eða saltan mat daginn fyrir siglingu.
  • Borðið góðan morgunverð. Borðið gjarnan hvítt brauð, hafragraut og ávexti þó ekki sítrus ávexti.
  • Forðist mikið koffein. Mikið kaffi er ekki það sem maganum líkar fyrir sjóferð.
  • Hafðu mat með þér á sjó. Gott er að hafa samlokur með kjúklingi eða kalkún. Kjötið er fitusnautt og brauðið er róandi í maga. Hafðu endilega eitthvað til að grípa í sem er létt í maga. Bananar eru mjög góðir til að narta í ef þú finnur fyrir ógleði en einnig er gott að hafa létt kex eða annað sem er ekki salt eða fitumikið.
  • Drekkið vel af vatni en einnig er gott er að drekka kóla drykki eða engiferöl í sjóferðinni

Lyf við sjóveiki þ.e. lyf sem slá á einkennin og fást án lyfseðils í apóteki.

  • Koffínátín – fæst án lyfseðils
  • Postafen – fæst án lyfseðils
  • Scopolamin plástur – lyfseðilsskyltEinnig má fá armbönd gegn ferðaveiki sem sumir telja að hjálpi.

Önnur ráð:

  • Engifer er jurt sem nýlega hefur fengið aukna athygli vegna þess að því er haldið fram að hún geti slegið á ógleði sem fylgir sjóveiki. Til forna tuggðu kínverskir sjómenn engiferrót til að draga úr sjóveiki. Flest lyf sem virka á ógleði verka á heilann en engifer virkar aðeins á magann. Ráðlagt er að taka 1000 mg. hylki hálftíma fyrir brottför. Einnig má taka eitt eða tvö 500 mg. hylki sem eru til viðbótar á ferðalaginu. Ekki er ráðlagt að drekka coke með engifertöflum.
  • Piparminta og te eru einnig gömul húsráð við ferðaveiki.
  • Sumum finnst betra að taka sýrujafnandi töflur, Alminox eða slíkt áður en þú heldur á sjó og þá er gott að hafa box með út á sjó.

Hvar í skipinu er best að vera o.fl.

  • Minna finnst fyrir hreyfingu og veltingi ef maður er staddur næst miðju bátsins.
  • Mörgum finnst gott að vera í kulda, t.d.að vera úti á dekki og láta vindinn leika um sig.
  • Matarlykt fer illa í þá sem hætt er við sjóveiki og einnig pústið frá bátnum.

Þungun:

Þungaðar konur sem þjást af sjóveiki mega nota koffinátín í litlum skömmtum en best er að ráðfæra sig við lækni eða lyfjafræðing.
Þunguðum konum er ekki ráðlagt að nota engifer þar sem það er ekki staðfest hvort það geti haft skaðleg áhrif á fóstur.

Eyjafréttir
Keyrt af  GDPR Cookie Compliance
Friðhelgisyfirlýsing

Þessi vefsíða notar fótspor til að við getum veitt þér bestu notendaupplifun. Upplýsingar um fótspor eru geymdar í vafranum þínum og framkvæma aðgerðir eins og að þekkja þig þegar þú kemur aftur á vefsíðu okkar og hjálpa teymi okkar að skilja hvaða hluta vefsíðunnar þér finnst áhugaverðast og gagnlegast.