Day: 13. maí, 2011

Herjólfur fer aukaferðir á morgun

Herjólfur mun sigla aukaferð frá Vestmannaeyjum klukkan 9 og til baka frá Landeyjahöfn klukkan 10:30. Einnig verður farin aukaferð klukkan 19:30 frá Vestmannaeyjum og frá Landeyjahöfn klukkan 20:45. Að sögn Eimskips tekur áður auglýst sumaráætlun Herjólfs gildi á sunnudag. Siglt verður fjórum til fimm sinnum á dag á milli Vestmannaeyja og Landeyjahafnar. (meira…)

Síðasta ferðin frestast vegna vélarviðgerðar

Síðasta ferð Herjólfs frá Landeyjahöfn í dag, föstudaginn 13. maí verður frestað um rúma klukkustund vegna vélarviðgerðar á Herjólfi. Upphaflega átti skipið að halda úr höfn klukkan 17:15 en ferðin verður þess í stað farin 18:30. (meira…)

�?órarinn Ingi og Eiður Aron í 40 manna hópi U21-árs liðsins

Eyjapeyjarnir Þórarinn Ingi Valdimarsson og Eiður Aron Sigurbjörnsson eru báðir í leikmannahópi íslenska U-21 árs landsliðsins. Alls voru 40 leikmenn valdir í hópinn sem tilkynntur hefur verið til UEFA fyrir úrslitakeppni Evrópumótsins í Danmörku í sumar. Úr þessum hópi verða svo 23 leikmenn valdir til að fara fyrir Íslands hönd í keppnina. (meira…)

Hvað ertu með neðan mittis?

Ung og falleg kona sem var á leið heim úr verslunarferð í útlöndum spurði prestinn sem sat við hliðina á henni í vélinni hvort hann gæti mögulega gert sér greiða. Að sjálfsögðu barnið mitt sagði klerkurinn, hvað get ég gert fyrir þig? Sko, ég keypti rándýra hárþurrku í útlöndum og ég er hrædd um að […]

Hrein og falleg Heimaey.

Hin árlegi Hreinsunardagur á Heimaey verður haldinn á morgun, laugardaginn 14. maí. Eins og fyrri ár hafa fjölmörg félagasamtök og einstaklingar tilkynnt þátttöku í Hreinsunardeginum. Þessi skemmtilega hefð lifir með þátttöku þinni og að sama skapi leggst hún af fólk mætir ekki. (meira…)

Nemendasýning Myndlistaskóla Steinunnar opnar í kvöld

Nemendur í Myndlistaskóla Steinunnar opna sýningu á verkum sínum í Akóges í kvöld klukkan 20:00. Sýningin verður opin daga 13. til 15. maí frá klukkan 14 til 18. Boðið verður upp á létta hressingu við opnunina og eru allir hjartanlega velkomnir eins og segir í fréttatilkynningu sem má lesa hér að neðan. (meira…)

Andrés bakari sýnir á Hótel Selfossi

Í tilefni af bæjar- og menningarhátíðinni Vor í Árborg mun Andrés Sigmundsson bakameistari frá Vestmannaeyjum sýna vatnslitamyndir á Hótel Selfossi. Þema sýningarinnar er Ingólfsfjall og ber sýningin yfirskriftina Óður til Fjallsins. Á sýningunni verða 40 vatnslitamyndir sem allar eru af Ingólfsfjalli. Andrés bjó á Selfossi í nokkur ár eftir gos og starfaði sem bakameistari hjá […]

Góð ráð fyrir siglingu

Sjóveiki

Hvað er sjóveiki?

Sjóveiki er misræmi milli skynfæra líkamans sem senda boð til heilans um hreyfingu – kyrrstöðu.

Þegar einstaklingur er úti á sjó þá nema skynjarar í vökvafylltum gangi í innra eyra hreyfingu og senda boð til heilans að einstaklingur sé á hreyfingu. Augun senda hins vegar boð til heilans um að viðkomandi sé kyrr. Heilinn á erfitt með að vinna úr þessum misvísandi og ósamræmdu upplýsingum og sendir skilaboð til magans um að tæma sig – þ.e. veldur uppköstum.

Einkenni sjóveiki eru þreyta, ógleði, svimi, svitakóf og uppköst.

Góð ráð til að hindra sjóveiki:

  • Góð hvíld daginn fyrir brottför. Að fara seint að sofa og snemma um borð í bát fer ekki vel saman ef fólk er hætt við sjóveiki.
  • Forðist áfenga drykki daginn fyrir brottför
  • Forðist djúpsteiktan, brasaðan eða saltan mat daginn fyrir siglingu.
  • Borðið góðan morgunverð. Borðið gjarnan hvítt brauð, hafragraut og ávexti þó ekki sítrus ávexti.
  • Forðist mikið koffein. Mikið kaffi er ekki það sem maganum líkar fyrir sjóferð.
  • Hafðu mat með þér á sjó. Gott er að hafa samlokur með kjúklingi eða kalkún. Kjötið er fitusnautt og brauðið er róandi í maga. Hafðu endilega eitthvað til að grípa í sem er létt í maga. Bananar eru mjög góðir til að narta í ef þú finnur fyrir ógleði en einnig er gott að hafa létt kex eða annað sem er ekki salt eða fitumikið.
  • Drekkið vel af vatni en einnig er gott er að drekka kóla drykki eða engiferöl í sjóferðinni

Lyf við sjóveiki þ.e. lyf sem slá á einkennin og fást án lyfseðils í apóteki.

  • Koffínátín – fæst án lyfseðils
  • Postafen – fæst án lyfseðils
  • Scopolamin plástur – lyfseðilsskyltEinnig má fá armbönd gegn ferðaveiki sem sumir telja að hjálpi.

Önnur ráð:

  • Engifer er jurt sem nýlega hefur fengið aukna athygli vegna þess að því er haldið fram að hún geti slegið á ógleði sem fylgir sjóveiki. Til forna tuggðu kínverskir sjómenn engiferrót til að draga úr sjóveiki. Flest lyf sem virka á ógleði verka á heilann en engifer virkar aðeins á magann. Ráðlagt er að taka 1000 mg. hylki hálftíma fyrir brottför. Einnig má taka eitt eða tvö 500 mg. hylki sem eru til viðbótar á ferðalaginu. Ekki er ráðlagt að drekka coke með engifertöflum.
  • Piparminta og te eru einnig gömul húsráð við ferðaveiki.
  • Sumum finnst betra að taka sýrujafnandi töflur, Alminox eða slíkt áður en þú heldur á sjó og þá er gott að hafa box með út á sjó.

Hvar í skipinu er best að vera o.fl.

  • Minna finnst fyrir hreyfingu og veltingi ef maður er staddur næst miðju bátsins.
  • Mörgum finnst gott að vera í kulda, t.d.að vera úti á dekki og láta vindinn leika um sig.
  • Matarlykt fer illa í þá sem hætt er við sjóveiki og einnig pústið frá bátnum.

Þungun:

Þungaðar konur sem þjást af sjóveiki mega nota koffinátín í litlum skömmtum en best er að ráðfæra sig við lækni eða lyfjafræðing.
Þunguðum konum er ekki ráðlagt að nota engifer þar sem það er ekki staðfest hvort það geti haft skaðleg áhrif á fóstur.

Eyjafréttir
Keyrt af  GDPR Cookie Compliance
Friðhelgisyfirlýsing

Þessi vefsíða notar fótspor til að við getum veitt þér bestu notendaupplifun. Upplýsingar um fótspor eru geymdar í vafranum þínum og framkvæma aðgerðir eins og að þekkja þig þegar þú kemur aftur á vefsíðu okkar og hjálpa teymi okkar að skilja hvaða hluta vefsíðunnar þér finnst áhugaverðast og gagnlegast.